"ლივერპულმა" დუბლებით იმარჯვა და 1/8-ფინალში გავიდა

AutoSharing Option
ინგლისის თასის მეოთხე რაუნდის გადათამაშების მატჩში (პირველი შეხვედრა 2:2 დასრულდა) "ლივერპულმა" პირველი ლიგის (რანგით მესამე დივიზიონია) "შრუსბერი" 1:0 დაამარცხა და მერვედფინალში გავიდა.

"ლივერპულმა" ძირითადი გუნდის ფეხბურთელები დაასვენა და ისტორიაში მოედანზე ყველაზე ახალგაზრდული სასტარტო შემადგენლობა გაიყვანა - საშუალო ასაკი 19 წელი და 102 დღე.

"წითლებს" ისტორიაში ყველაზე ახალგაზრდა ფეხბურთელმა უკაპიტნა - 19 წლის და 5 დღის კერტის ჯონსმა.

"ლივერპულის" მწვრთნელმა იურგენ კლოპმა მატჩის წინ თქვა, რომ სტადიონზე არ მივიდოდა და თამაშს ტელევიზორში უყურებდა, გუნდს კი დუბლების მწვრთნელმა ნილ კრიტჩლიმ უხელმძღვანელა.

ლივერპული. "ენფილდი"
ლივერპული - შრუსბერი 1:0
გოლი: ვილიამსი (75, საკ. კარში)

მკითხველის კომენტარები / 0 /
კომენტარი ჯერ არ გაკეთებულა.

ასევე დაგაინტერესებთ
სიახლეები პოპულარული