"ლივერპულმა" რამდენიმე ტურის წინ მოიპოვა ჩემპიონობა და დარჩენილ მატჩებს თავისი სიამოვნებისთვის ატარებს, თავადაც თამაშობს და სხვასაც ათამაშებს.
ასე იყო ამჯერადაც - "ჩელსის" ცარიელ "ენფილდზე" დაუხვდა, 5:3 მოუგო და არაა გამორიცხული, რომან აბრამოვიჩის გუნდი სულაც ჩემპიონთა ლიგის საგზურის გარეშე დარჩეს.
საქმე ისაა, რომ "არისტოკრატები" მეოთხე ადგილზეა და უახლოეს მდევარ "ლესტერს" უკანასკნელი ტურის წინ 1 ქულითღა უსწრებს.
ბოლო ტურში "ჩელსი" "ვულვერჰემპტონს" უმასპინძლებს, რომელიც წაგების შემთხვევაში, შეიძლება ევროპა ლიგაზე ვერ გავიდეს, რამეთუ "ტოტენჰემი" კუდზე აზის.
მაგარი დაპირისპირება ელის "ლესტერსაც" - სახლში "მანჩესტერთან" და
თუ სძლია, ჩემპიონთა ლიგაზე სოლსკიაერის კრებულის ნაცვლად თავად გავა.
ეს ორივე შეხვედრა 26 ივლისს გაიმართება და თქვენი მოწონებული ამბებიც დატრიალდება.
იურგენ კლოპის გუნდი ბოლო 3 სეზონში საკუთარ მოედანზე არ დამარცხდა, რაც მისი საკლუბო რეკორდია.
ლივერპული - ჩელსი 5:3
გოლები: 1:0 კეიტა (23), 2:0 ალეკსანდერ-არნოლდი (38), 3:0 ვეინალდუმი (43), 3:1 ჟირუ (45+3), 4:1 ფირმინო (55), 4:2 აბრაჰამი (61), 4:3 პულიშიჩი (73), 5:3 ალექსანდერ-არნოლდი (84)
![alt](/pictures/image50/9ad3a0b00822ef7a6c7d6903d71879d2.jpg ""ლივერპული" "ჩელსის" გაეთამაშა და შეიძლება ჩემპიონთა ლიგის გარეშე დატოვა")
ლამპარდი: ნუ იქნება "ლივერპული" ძალიან ქედმაღალი
![ასე დასცინეს გვარდიოლას "ტოტენჰემის" ფანებმა - გვარდიოლამ სამწვრთნელო კარიერაში ყველაზე ცუდი შედეგი დააფიქსირა [VIDEO]](/pictures/image7/dae53d15a7ea3ed2658a0515f50a9770.png "ასე დასცინეს გვარდიოლას \"ტოტენჰემის\" ფანებმა - გვარდიოლამ სამწვრთნელო კარიერაში ყველაზე ცუდი შედეგი დააფიქსირა [VIDEO]")
