საფეხბურთო ჟურნალისტი ტანკრედი პალმერი "ტვიტერის" საკუთარ გვერდზე წერს, რომ "მანჩესტერ სიტი" "ბარსელონასათვის" ლიონელ მესის თაობაზე სატრანსფერო შეთავაზებას ამზადებს.
წყაროს მიხედვით, ინგლისური კლუბის ხელმძღვანელობა მზადაა არგენტინელის სანაცვლად, დაახლოებით, 200 მილიონი გადაიხადოს. თანხის გარკვეულ ნაწილს "სიტი" ფულით დაფარავს, ნაწილს კი - ფეხბურთელებით.
იქამდე კი გავრცელდა ინფორმაცია, რომ "ბარსელონა" მესის სანაცვლოდ 700 მილიონის მოთხოვნას არ აპირებს, თუმცა 223 მილიონი ევროს მიღება უნდა, რისი მიზანიც ახალი სატრანსფერო რეკორდის დამყარებაა (არსებული რეკორდიც "ბარსას" ეკუთვნის, პსჟ-ს ნეიმარი 222 მილიონ ევროდ მიჰყიდა).
25 აგვისტოს არგენტინელმა ვარსკვლავმა "ბლაუგრანას"
შეატყობინა, რომ კლუბის დატოვება სურს. მესის კონტრაქტში არსებული პუნქტის გამოყენება და კატალონიური გრანდის უფასოდ დატოვება უნდა, თუმცა ამის შესახებ კლუბისათვის 30 მაისამდე უნდა შეეტყობინებინა. ლეოს ადვოკატები კი კორონავირუსის პანდემიის არგუმენტად გამოყენებას აპირებენ.
![alt](/pictures/image50/96c9021a7745e3e6d3f3a57d3c7e5d68.jpg ""მანჩესტერ სიტი" მესის სანაცვლოდ 700 მილიონს არა, თუმცა დიდ თანხას იხდის")
"მანჩესტერ სიტიში" გადასასვლელად მესიმ ფიფასგან სატრანსფერო სერტიფიკატი მოითხოვა
![alt](/pictures/image50/feb78a6da07b8977116d6c345497fe43.jpg ""მანჩესტერ სიტი" მესის სანაცვლოდ 700 მილიონს არა, თუმცა დიდ თანხას იხდის")
"ბარსელონამ" სუარესის შემცვლელად მაქსი გომესის შეძენა გადაწყვიტა
