უკრაინის ნაკრების 22 წლის მცველმა ვიტალი მიკოლენკომ კიევის "დინამოდან" "ევერტონში" გადასვლაზე ისაუბრა.
"ჩემით საზღვარგარეთული კლუბის დაინტერესების თაობაზე 12 დეკემბერს "ზორიასთან" ნამატჩევს გავიგე. მითხრეს, რომ მეორე დღეს კლუბის ოფისში უნდა მივსულიყავი, რადგან შეიძლება წინადადებით მოემართათ. არც ვიცოდი, რომელი კლუბი იყო. როდესაც მკითხეს, მქონდა თუ არა ინგლისის ვიზა, მივხვდი, რომ ინგლისური კლუბი იყო.
კლუბის პრეზიდენტმა იგორ სურკისმა შემდეგი მითხრა: "შენ ჩემთვის შვილივით ხარ და შენი გადასაწყვეტია, დარჩე და ტიტულები მოიგო და ღირსეული ხელფასი მიიღო, თუ მზად ხარ წასასვლელად. თუ ასეა, მოლაპარაკებებს გავაგრძელებთ".
ვუპასუხე, რომ არ ვიცოდი, ვიყავი თუ არა მზად, მაგრამ ძალიან მინდოდა. სურვილი კი, ალბათ, ფეხბურთში და საერთოდ, ცხოვრებაში, ყველაზე მთავარია. როდესაც სურკისმა მითხრა, რომ მისთვის შვილივით ვარ, დავფიქრდი. ცრემლები მერე მომადგა, როცა ორი კლუბის პრეზიდენტის საუბარი შედგა და ყველაფერი შეათანხმეს. ბევრი ჭორი იყო და თავიდან არ მჯეროდა.
მშობლები და ჩემი გოგონა მეუბნებოდნენ, რომ ეს კინოსავით იყო. როდესაც ყველაფერი შეათანხმეს, ჩავჯექი მანქანაში და ავქვითინდი. 30 წუთი ვტიროდი. გოგონას მშობლებს დავურეკე და მათთან ერთად ვტიროდი, შემდეგ მარტო ვტიროდი.
ძნელია ჩემი გრძნობების გადმოცემა - ძალიან გახარებული და ამავე დროს, ძალიან შეშინებული ვიყავი", - ციტირებს მიკოლენკოს კიევის "დინამოს" საიტი.
![alt](/pictures/image50/33b3800f41fca4721ee705e37c4028b9.jpg "მიკოლენკო: როდესაც "ევერტონში" გადავედი, 30 წუთი მანქანაში ვტიროდი")
"ევერტონმა" მიკოლენკო შეიძინა და ახალი წელი უკრაინელებს უკრაინულად მიულოცა ![alt](/pictures/image50/86a587b70cd54201cde89b8358948266.jpg "მიკოლენკო: როდესაც "ევერტონში" გადავედი, 30 წუთი მანქანაში ვტიროდი")
რა ფინანსური სარგებელი მოაქვს პრემიერლიგაში თამაშს
!["ნიუკასლის" ფრე და "იუნაიტედის" მოგება - პრემიერ ლიგაში ოთხეულისთვის ბრძოლა გრძელდება [VIDEO]](/pictures/image7/6ab2a028faca15f4c0a1139d99b91ab4.png "\"ნიუკასლის\" ფრე და \"იუნაიტედის\" მოგება - პრემიერ ლიგაში ოთხეულისთვის ბრძოლა გრძელდება [VIDEO]")
!["ნიუკასლმა" "ტოტენჰემი" გაანადგურა [VIDEO]](/pictures/image7/ab4b8f778c0d02be9d093cd60bd32583.jpg "\"ნიუკასლმა\" \"ტოტენჰემი\" გაანადგურა [VIDEO]")
