ინგლისის თასის ფინალში "ლივერპულმა" პენალტების სერიაში "ჩელსის" სძლია და 2006 წლის შემდეგ პირველად გახდა ტურნირის გამარჯვებული - ისტორიაში მერვედ.
დაძაბული მატჩის ძირითადი და დამატებითი დრო უგოლოდ დასრულდა, თერთმეტმეტრიანების სერიაში კი "ლივერპულმა" იმარჯვა.
33-ე წუთზე ტრავმა მიიღო „წითლების“ შემტევმა სალაჰმა და შეცვალეს. ჯერ უცნობია რამდენად სერიოზულად დაშავდა ეგვიპტელი და შეძლებს თუ არა ჩემპიონთა ლიგის ფინალში „რეალთან“ თამაშს.
კლოპი პირველი მწვრთნელი გახდა, რომლის ხელმძღვანელობით "ლივერპულმა" ჩემპიონატი, ჩემპიონთა ლიგა, ინგლისის თასი და ლიგის თასი მოიგო. მან მწვრთნელის რანგში 11 ტიტული მოიგო, მათ შორის 6 ამჟამინდელ გუნდთან ერთად.
"ჩელსი" თასის ფინალში ზედიზედ მესამედ დამარცხდა, რაც ანტირეკორდია.
ლონდონი. „უემბლი“. 84 897 მაყურებელი
ჩელსი - ლივერპული 0:0 (პენ. 5:6)
![alt](/pictures/image50/fe8f2de56917a4a24aea74c0ef36c017.jpg ""ლივერპულმა" მერვედ მოიგო ინგლისის თასი")
იურგენ კლოპმა "ლივერპულის" მიმდინარე სეზონი შეაფასა
