ინგლისის ნაკრებისა და "ლივერპულის" ნახევარმცველმა ჯორდან ჰენდერსონმა SKY SPORT-თან ინტერვიუში პრემიერლიგაში მისი უშუალო კონკურენტის, "მანჩესტერ სიტის" შესახებ ისაუბრა.
"მათი სათამაშო სტილი საყურებლად არასანახაობრივია. მირჩევნია ვუყურო საბავშვო ან სხვა გასართობ არხს" - განაცხადა ინგლისელმა.
როგორც ჩანს, ჩემპიონთა ლიგის გასამართი ფინალის წინ "ლივერპულის" კაპიტანი კარგ განწყობაზეა. შეგახსენებთ, ფინალური შეხვედრა 28 მაისს გაიმართება, სადაც მერსისაიდული გუნდი მადრიდის "რეალს" დაუპირისპირდება.
ამასთანავე, გეტყვით იმასაც, რომ "ლივერპული" და "მანჩესტერ სიტი" 22 მაისს პრემიერლიგის ბოლო ტურის შეხვედრას ჩაატარებენ, იურგენ კლოპის შეგირდები "ვულვზს" უმასპინძლებენ, "ქალაქელები" კი - "ასტონ
ვილას". "წითლები" საკუთარ თავზე დამოკიდებულები არ არიან, ამ მომენტისთვის ჩამორჩენა 1 ქულაა ("სიტის" 90 ქულა აქვს, "ლივერპულს" - 89). თუ სტივენ ჯერარდი თავის შეგირდებთან ერთად პეპ გვარდიოლას და მანჩესტერულ გრანდს ქულას მოჰპარავს, მაშინ, მერსისაიდელების გამარჯვების შემთხვევაში, პრემიერლიგის ტიტულს "ლივერპული" დაისაკუთრებს.
![alt](/pictures/image50/f693f279e2101be709a097acbd7160da.jpg ""მანჩესტერ სიტის" თამაშის ყურებას მირჩევნია საბავშვო არხებს ვუყურო..." - ჯორდან ჰენდერსონი")
ჰენდერსონმა ფანს შესთავაზა, ლეკვს მილნერი დაარქვას
![კვლავ ფორმაშია! - შოთა არველაძემ მადრიდის "რეალს" გაუტანა [VIDEO]](/pictures/image7/2d1f3aeb1efc7b85ecbdcc72c2873bff.png "კვლავ ფორმაშია! - შოთა არველაძემ მადრიდის \"რეალს\" გაუტანა [VIDEO]")
