The Athletic-ის ცნობით, "ლივერპულმა" "ბენფიკას" ფორვარდ დარვინ ნუნიეშთან შეთანხმებას მიაღწია და ურუგვაელი თავდამსხმელი კარიერას "ენფილდზე" განაგრძობს. "მერსისაიდელები" 22 წლის ფეხბურთელის სანაცვლოდ 80 მილიონ ევროს გადაიხდიან, 20 მილიონს კი ბონუსის სახით დაამატებენ.
ნუნიეშს "ბენფიკასთან" კონტრაქტი 2025 წლამდე აკავშირებს. გასულ სეზონში მან ჩატარებულ 28 შეხვედრაში 26 გოლი შეაგდო.
