ტურინის "იუვენტუსისა" და არგენტინის ნაკრების ფეხბურთელმა პაულო დიბალამ, შესაძლოა, კარიერა "მანჩესტერ იუნაიტედში" განაგრძოს. სამხრეთამერიკელს "ბებერი ქალბატონის" მთავარი მწვრთნელი მასიმილიანო ალეგრი ბოლო დროს აღარ სწყალობს და სათადარიგოთა სკამსაც მიაჩვია.
აღსანიშნავია, რომ 24 წლის ფორვარდს მიმდინარე "სერია ა"-ში შესანიშნავი სტარტი ჰქონდა და მას კრიშტიანო რონალდოსა და ლიონელ მესისაც ადარებდნენ.
გავრცელებული ინფორმაციით, ჟოზე მოურინიოს, პაულო დიბალა ჰენრიხ მხითარიანის შემცვლელად ესაჭიროება, რომელიც კლუბს, სავარაუდოდ, იანვრის სატრანსფერო პერიოდში დატოვებს.
ფეხბურთელის სატრანსფერო თანხად 60 მილიონი ევრო სახელდება.
