ხვალ, სერია A-ს 24-ე ტურში "ფიორენტინა" "იუვენტუსს" მასპინძლობს. მომავალი მატჩის შესახებ "ვიოლას" თავდამსხმელმა ჯოვანი სიმეონემ "ტუტოსპორტს" შემდეგი განუცხადა:"ჩემს კარიერაში ყველაზე ღირსშესანიშნავი მოვლენა ჯერჯერობით ჯიჯი ბუფონისთვის გატანილი 2 გოლია, როდესაც "ჯენოას" ღირსებას ვიცავდი. მაშინ 3:1 მოვიგეთ და ამის შესახებ შვილებს მოვუყვები. კვლავ დუბლის შესასრულებლად ყველაფერს გავაკეთებ.
ამას წინათ სუპერმარკეტში შევედი და ყველა მეუბნებოდა:"გაუტანე ბუფონს გოლი, დაამარცხეთ "იუვე". არც ერთ სხვა გუნდთან თამაშისას არ არის აქ ასეთი განწყობა. ეს შეხვედრა შემოქმედების შედევრი უნდა იყოს. შევეცდებით ბიანკონერის მოედანზე ვატერლოო მოვუწყოთ".
