ტურინის "იუვენტუსისა" და არგენტინის ნაკრების ფორვარდი გონსალო იგუაინი ჩემპიონთა ლიგის საპასუხო მატჩისთვის, ლონდონის "ტოტენჰემის" წინააღმდეგ, სრულიად მზად იქნება. ამის შესახებ იტალიური მედია იუწყება. "პიპიტას" 25 თებერვალს, სერია "ა"-ს მორიგ ტურში მასიმილიანო ალეგრი "ატალანტასთან" შეხვედრისთვის განაცხადში შეიყვანს, თუმცა სათადარიგოთა შორის დატოვებს. მის დაბრუნებას კი 28 თებერვალს, იმავე "ატალანტასთან" სათასო მატჩში ელიან.
შეგახსენებთ, რომ იგუაინმა ტრავმა 18 თებერვალს, "ტორინოსთან" შეხვედრაში მიიღო. "ტოტენჰემისა" და "იუვენტუსის" დაპირისპირების მეორე მატჩი კი 7 მარტსაა ჩანიშნული.
