დღეს დილით La gazzetta dello sport-მა გაავრცელა ინფორმაცია, რომ იტალიის ნაკრებს რობერტო მანჩინი ჩაიბარებს. გამოცდილ სპეციალისტსა და ფედერაციის წარმომადგენლებს შორის გუშინ შეხვედრა შედგა, სადაც საბოლოო დეტალებზე მოილაპარაკეს.
"ზენიტის" ამჟამინდელი დამრიგებელი "სკუადრა აძურაში" წელიწადში 4 მილიონ ევროს გამოიმუშავებს, მისი დებიუტი კი 28 მაისს საუდის არაბეთის წინააღმდეგ გასამართ მატჩში შედგება.
იტალიის ფეხბურთის ფედერაცია აღნიშნულ გადაწყვეტილებას ოფიციალურად უახლოეს დღეებში გამოაცხადებს.
