ტურინის "იუვენტუსის" ნახევარმცველმა ემრე ჯანმა Bild-თან საუბარში აღშფოთება ვერ დამალა იმის გამო, რომ იტალიურმა კლუბმა ის ჩემპიონთა ლიგის განაცხადში არ შეიყვანა.
"შოკში ვარ. კლუბთან საუბარი 1 წუთი გაგრძელდა. მათ არაფერი აუხსნიათ. მე ძალიან იმედგაცრუებული და გაბრაზებული ვარ. ახლა ყველაფერს გავაანალიზებ, დასკვნებს გამოვიტან და კლუბში დაბრუნების შემდეგ დაველაპარაკები მათ.
გასულ კვირაში სულ სხვა რამეს დამპირდნენ. პსჟ-დან ძალიან კარგი შემოთავაზება მქონდა, თუმცა "იუვენტუსში" დარჩენას იმ პირობით დავთანხმდი, რომ ჩემპიონთა ლიგაზე ვითამაშებდი", - განაცადა 25 წლის ფეხბურთელმა, რომელიც ამჟამად გერმანიის ნაკრებშია გამოძახებული.
ემრე
ჯანი ტურინის "იუვენტუსში" 2018 წელს გადავიდა "ლივერპულიდან" და სერია "ა"-ში ჩატარებულ 30 შეხვედრაში თავი 4-ჯერ გამოიჩინა. ჯანს გერმანიის ეროვნულ გუნდში 21 თამაშში აქვს მონაწილეობა მიღებული. ემრე ჯანის გარდ,ა ჩემპიონთა ლიგის განაცხადს მიღმა ტურინულმა კლუბმა მარიო მანჯუკიჩიც დატოვა.
საგიჟეთი: "იუვენტუსი"-ნაპოლი" 3:0, 3:3, 4:3... [VIDEO]
