ბერგამოს "ატალანტა" ევროპული ფეხბურთის მიმდინარე სეზონში ყველასგან გამორჩეული გუნდია - კლუბი შედეგებს შემტევი, სანახაობრივი ფეხბურთით აღწევს და აი, სერია A-ს 29-ე ტურშიც საკუთარ კედლებში "ნაპოლიც" დაამარცხა - 2:0.
შეხვედრაში ორივე გოლი მეორე ნახევარში გავიდა. ანგარიში 47-ე წუთზე მარიო პაშალიჩმა გახსნა, ხოლო ზუსტად 8 წუთში სტუმრები მეორედ რობინ გოსენსმა დაამწუხრა.
29 ტურის შემდეგ "ატალანტამ" 60 ქულა მოაგროვა და იტალიის ჩემპიონატის სატურნირო ცხრილში მე-4 პოზიციას იკავებს. გუნდმა განვლილ შეხვედრებში 82 გოლი გაიტანა, რაც არათუ იტალიაში, არამედ ევროპაში "ბაიერნის" შემდეგ საუკეთესო შედეგია. მიუნხენელებმა 100 გოლი 34 მატჩში შეაგდეს, ბერგამოელებს კი 5 მატჩი აქვთ წინ ამ შედეგის გასაუმჯობესებლად.
აქვე, იტალიელები უკვე გავიდნენ ჩემპიონთა ლიგის 1/4-ფინალში და ვისაც უნდა შეხვდნენ, ამ ფეხბურთით, მინიმუმ, აუტსაიდერები არ იქნებიან.
![alt](/pictures/image50/6c3d7460d1c1f3c159defcba5a031fca.jpg "ევროპაში საჩემპიონო ფეხბურთს მხოლოდ "ატალანტა" თამაშობს - ბერგამოელები არ ჩერდება [VIDEO]")
ბერგამოში სტუმრობაო, არ გეგონოთ ხუმრობაო - "ლაციომ" ოქროს მედლები დაკარგა? [VIDEO] 
