ტურინის "იუვენტუსის" მთავარ მწვრთნელად გუნდის ლეგენდა ანდრეა პირლო დანიშნეს.
41 წლის პირლოს კონტრაქტი 2022 წლის ზაფხულამდე გაუფორმეს. შეგახსენებთ, ივლისის ბოლოს მას "იუვეს" ახალგაზრდული გუნდი ჩააბარეს.
მოგეხსენებათ, გუშინ 7 აგვისტოს, ჩემპიონთა ლიგის 1/8-ფინალში "ლიონთან" მარცხის შემდეგ "ბებერი ქალბატონის" დამრიგებელი მაურიციო სარი გაათავისუფლეს.
პირლო "იუვეს" რიგებში 2011-2015 წლებში თამაშობდა. გუნდის მაისურით ანდრეამ 164 მატჩი ჩაატარა, 19 გოლი გაიტანა და 38 საგოლე გადაცემა გააკეთა. ტურინელებთან ერთად იტალიური ფეხბურთის ლეგენდამ 6 ტიტული მოიგო.
![alt](/pictures/image50/983a6f8a11f2d1a19c8cfbccd8700f16.jpg ""იუვენტუსს" ახალი მთავარი მწვრთნელი ჰყავს!")
არ მოვხსნითო, მაგრამ მაინც მოხსნეს - სარი "იუვენტუსიდან" დაითხოვეს
![alt](/pictures/image50/0a0a3af059b0e5ae5146ec22539b0f8b.jpg ""იუვენტუსს" ახალი მთავარი მწვრთნელი ჰყავს!")
20.3 მილიონი და უზრუნველყოფილი სიბერე - სარი კომპენსაციას მიიღებს
