"იტალიის" სერია A-ს 22-ე ტურში "სპეცია" "მილანს" ესტუმრა და 2:1 დაამარცხა.
45-ე წუთზე ტეო ერნანდესმა პენალტი ვერ გამოიყენა, თუმცა ეპიზოდიდან 1 წუთში რაფაელ ლეაომ მშვენიერი გოლი გაიტანა და "როსონერი" შესვენებაზე უპირატესობით გავიდა.
მეორე ტაიმში, 64-ე წუთზე, კევინ აგუდელომ წონასწორობა აღადგინა.
მატჩის მიწურულს, 90+2 წუთზე, მესიასმა შორეულ ცხრიანში გაიტანა და თითქოსდა მილანელებს უნდა მოეგოთ, თუმცა არბიტრმა ბურთი არ ჩათვალა და ჯარიმა დანიშნა. იბრაჰიმოვიჩის დარტყმული პროვედელმა მოიგერია.
სკანდალური ეპიზოდიდან 4 წუთში კი ემანუელ გუასიმ "შავ-წითლების" დაცვის ცენტრის შეცდომით ისარგებლა და "სპეციას" მნიშვნელოვანი 3 ქულა მოუტანა.
ამრიგად, 22 ტურის შემდეგ "მილანი" 48 ქულით მე-2 ადგილზე იმყოფება. მომდევნო ტურში (23 იანვარს) "იუვენტუსს" უმასპინძლებს.
თავის მხრივ, "სპეცია" 22 ქულით მე-14 პოზიციას იკავებს, მომდევნო შეხვედრას კი იმავე 23 იანვარს, "სამპდორიას" წინააღმდეგ ჩაატარებს.
![ევროპა ლიგა. 1/4-ფინალი: "ატალანტამ" "ლივერპული" გამოაგდო, "რომამ" მილანი" - "ბაიერი" და "მარსელიც" გავიდნენ [VIDEO]](/pictures/image7/15f2a4560209ca612ad928d55522900c.jpg "ევროპა ლიგა. 1/4-ფინალი: \"ატალანტამ\" \"ლივერპული\" გამოაგდო, \"რომამ\" მილანი\" - \"ბაიერი\" და \"მარსელიც\" გავიდნენ [VIDEO]")
![ევროპა ლიგა. 1/4-ფინალი: შოკირებული "ენფილდი", "ბაიერის" მორიგი გამარჯვება და "რომას" მიერ ძლეული "მილანი" [VIDEO]](/pictures/image7/9d0bb1fd87cdcd129cf6b08e80b4b6e0.jpg "ევროპა ლიგა. 1/4-ფინალი: შოკირებული \"ენფილდი\", \"ბაიერის\" მორიგი გამარჯვება და \"რომას\" მიერ ძლეული \"მილანი\" [VIDEO]")
