სერია A-ს 31-ე ტურში "ლაციო" მოულოდნელად სახლში "ტორინოსთან" 0:1 დამარცხდა და ლიდერ "ნაპოლისთან" 14-ქულიანი ჩამორჩენა ვერ შეამცირა.
"ლაციომ" აქამდე ბოლო 8 ტურში მხოლოდ 1 გოლი გაუშვა, 22 ქულა მოიპოვა და საშუალო დონის ტურინულ გუნდთან ფავორიტად მიიჩნეოდა. უნდა ითქვას, "ტორინო" "ლაციოსთვის" მეტად უხერხული მეტოქეა, რომში გასული 5 შეხვედრიდან მხოლოდ 1 დათმო და ოთხჯერ ფრეს მიაღწია, ამჯერად კი მოუგო კიდეც - მოუგო შვიდი წლის შემდეგ პირველად.
მასპინძელთა გუნდის თავდამსხმელი ჩირო იმობილე, რომელიც 16 აპრილს ავტოავარიაში მოჰყვა, გამოჯანმრთელდა, 54-ე წუთზე შევიდა შეცვლაზე, თუმცა
თავის გუნდს ვერაფრით დაეხმარა.
გამარჯვების გოლი 43-ე წუთზე სერბმა ნახევარმცველმა ივან ილიჩმა გაიტანა.
![alt](/pictures/image50/49072320541301a725b984b3a7613068.jpg "საჩუქარი "ნაპოლის" - "ტორინომ" "ლაციოს" გასვლაზე მოუგო")
ცნობილია, რა პერიოდი გაუცდება ავტოავარიაში მოყოლილ ჩირო იმობილეს
!["კვარას" გარეშე. "ნაპოლი" თასიდან "ლაციომ" გამოაგდო - ორ დღეში "მატჩ-რევანშია" [VIDEO]](/pictures/image7/f10c53a9aac08d7c939dc107c4fa8041.jpeg "\"კვარას\" გარეშე. \"ნაპოლი\" თასიდან \"ლაციომ\" გამოაგდო - ორ დღეში \"მატჩ-რევანშია\" [VIDEO]")
