იტალიური პრესის ინფორმაციით, სერია A-ს ბოლო ტურის მატჩის შემდეგ, სადაც "ნაპოლიმ" "სამპდორია" 2:0 დაამარცხა, "პარტენოპეის" მცველი კიმ მინ-ჯე თანაგუნდელებს დაემშვიდობა. მან ბარგი უკვე ჩაალაგა და კარიერას "მანჩესტერ იუნაიტედში" განაგრძობს, რომელიც მის გამოსასყიდ თანხას იხდის.
Gazzetta Dello sport-ი წერს, რომ "ნაპოლიდან" მიდის პიოტრ ზელინსკიც, რომელსაც ახალი კონტრაქტი არ გაუფორმეს და გასამრჯელოც არ გაუზარდეს, მის შემცვლელად კი ლაზარ სამარზიჩი სახელდება.
ჯერ კიდევ უცნობია ვიქტორ ოსიმენის ბედი, რომლის დამატებაც არაერთ ტოპ-კლუბს სურს. კლუბის სპორტული დირექტორი კრისტიანო ჯუნტოლი "იუვენტუსში" გადასვლასთანაა ახლოს და ჯერ კიდევ
"პარტენოპეი" ახალი მწვრთნელის ძიებაშიცაა. საინტერესოა, რომ უკვე 20-მდე სპეციალისტის გვარი დასახელდა, ბოლო დროს კი ყველაზე რეალური "ფიორენტინას" ამჟამინდელი მენეჯერის, ვინჩენცო იტალიანოს ვარიანტი მოჩანს.
მოკლედ, "ნაპოლიში" ჯერ ბევრი კითხვის ნიშანია და იმედია, ხვიჩა კვარაცხელიას გუნდისთვის ყველაფერი კარგად დალაგდება.
![კონტემ ფეხბურთელებს სიქა გააძრო და პრობლემები შეუქმნა - მასზე ტიფოზები იმედებს ამყარებენ [VIDEO]](/pictures/image7/93d79194b4abb8fa8de9d7a06dcfa6a6.jpg "კონტემ ფეხბურთელებს სიქა გააძრო და პრობლემები შეუქმნა - მასზე ტიფოზები იმედებს ამყარებენ [VIDEO]")
![ხვიჩა კვარაცხელია "ნაპოლის" ვარჯიშზე ახალი ნომრით გამოჩნდა [PHOTO]](/pictures/image7/9950b21a032d289815feb37be64fdbd4.png "ხვიჩა კვარაცხელია \"ნაპოლის\" ვარჯიშზე ახალი ნომრით გამოჩნდა [PHOTO]")
