ცნობილმა და ძალიან სანდო იტალიელმა ჟურნალისტმა ფაბრიციო რომანომ გვამცნო, რომ ჯერ კიდევ ვიგოს "სელტას" საკუთრებაში მყოფი 21 წლის ნახევარმცველი გაბრი ვეიგა კარიერას "ნაპოლიში" გააგრძელებს. "პარტენოპეი" ფეხბურთელის სანაცვლოდ 30 მილიონს გადაიხდის, რასაც 6 მილიონი ბონუსების სახით დაემატება.
ვეიგას, რომელსაც სამშობლოში უდიდეს ტალანტს უწოდებენ და დიდ მომავალს უწინასწარმეტყველებენ, იტალიაში შემდეგ კვირაში ელიან.
შეგახსენებთ, რომ ხვიჩა კვარაცხელიას გუნდი სერია A-ს პირველ ტურში 19 აგვისტოს გასვლაზე გიორგი კვერნაძის "ფროზინონეს" დაუპირისპირდება.
