"ნაპოლი" იტალიის სუპერთასის გადამწყვეტ მატჩში მეხუთედ (ორჯერ გაიმარჯვა) იასპარეზებს და "ინტერს" დაუპირისპირდება. ვალტერ მაცარის გუნდისთვის ახლა თითოეული დადებითი ემოცია და მით უმეტეს, ტიტული, მნიშვნელოვანია. "ფიორენტინასთან" (3:0) მოგებულ შეხვედრაში განსხვავებული იყო ხვიჩა კვარაცხელიას პოზიცია...როგორც იქნა, ნეაპოლელთა დამრიგებელმა კლუბის პრეზიდენტის სურვილებს გადააბიჯა და ის ტაქტიკური სქემა გამოიყენა, რომელიც მასთანაც უფრო ახლოსაა და იქნებ არსებულ კონტინგენტთანაც. ასეთ ცვლილებებს სირთულეები ყოველთვის მოსდევს, ფეხბურთელებს მასთან ადაპტირება სჭირდებათ და საბოლოო ფორმირებისთვის გარკვეული დროა საჭირო.
საინტერესო იყო სამი უკანახაზელით თამაშისას ჯოვანი დი ლორენცოს ცენტრალურ მცველად ხილვა.
პარტნიორების მომარაგება მართლაც პრობლემური საკითხია. ერთია ტექნიკურად ვერშესრულება (რაც ხვიჩასაც მოუვიდა), მეორე კი არასწორი გადაწყვეტილებების მიღება (შეგნებულად ან განზრახ). გამოვყოფთ ეპიზოდებს (იმის გამო არა, რომ ჩვენებურს უკავშირდება), კაიუსტესა და პოლიტანოს შეტევის გაგრძელების ოპტიმალური ვარიანტები რომ მიეღოთ, "კვარას" კარის აღების კარგი შანსები მიეცემოდა. ფაქტია, მიუხედავად იმისა, ქართველი გარემარბი მუდმივად ბურთის ძიებაშია, ის მას ნაკლებად აქვს ან არაოპტიმალურ ვითარებაში იღებს და ამაზე მთელი სეზონის განმავლობაში ვწერთ. 77-ე ნომერი საჩემპიონო წელს მატჩის ბედს მაშინაც წყვეტდა, როცა თითქოს პასიური იყო და ბურთთან ნაკლებად იმყოფებოდა, ახლა კი ამის გაკეთება ძალიან რთულია - გუნდიც დასუსტებულია, მის მიმართ კი წინააღმდეგობები გაზრდილია. ქართველმა პირველ გოლში მნიშვნელოვანი წვლილი შეიტანა.
![Sportall.Ge](/pictures/artimages/original/3fd2bb996beb54a8af7be44ed0010f3a.jpg "გულშემატკივრები ხვიჩას დასამახსოვრებელი მატჩის მოლოდინში - რისი შეცვლა სცადეს "ნაპოლიში" და რა გამოვიდა...")
ახალ ტაქტიკურ სქემას (3-4-3-ად ტრანსფორმირდება თუ 3-4-2-1 იქნება) ქართველი გარემარბისთვის ის პლუსები აქვს, ბურთის მიღება გვერდით ხაზთან არ უწევს და იმპროვიზაციის მეტი საშუალება გააჩნია, თუმცა ერთია ფურცელზე დაწერილი ტაქტიკა და მეორე, თუ მას გუნდი როგორ ასრულებს. როცა რუი ახერხებდა, შეტევაში ჩართულიყო და სივრცეები აეთვისებინა, ცენტრიდან შეტევის გზებს ხვიჩაც თავისუფლად ეძებდა; იყო ეპიზოდები, "ჩაკეტილი" მარიო 77-ე ნომერს გრძელი პასებით "ეძებდა" და ამ დროს "კვარას" შეტევის განვითარებისთვის ბევრი არჩევანი არ ჰქონია, თანაც, ორთაბრძოლებში გამარჯვება უჭირდა. ნაკლები იყო დრიბლინგი და გამწვავებაც... რგოლებს შორის მეტი კავშირის და შეტევაში უფრო აქტიურად თამაშის ნაცვლად, მას დაცვითი ოპერაციების შესრულება უწევდა. გარკვეულ ეპიზოდებში ხვიჩა იმ პოზიციაზე ვნახეთ, როგორც ბოლო დროს საქართველოს ნაკრებშია - გამოკვეთილ ფორვარდთან (გუშინ სიმეონე იყო) ახლოს. ამ ტაქტიკას კარგი დამუშავება სჭირდება, რაც არ იგრძნობოდა...
გუნდმა ფინალზე ფიქრი ნაადრევად დაიწყო. ამას ხელი მწვრთნელმაც შეუწყო, რომელმაც ჩვენებური მინდვრიდან გაიყვანა. ძერბინის პროგრესი აღსანიშნავია... წინ გადამწყვეტი მატჩია და გვჯერა, სულ სხვანაირ კვარაცხელიას ვიხილავთ. კარგი იყო, რომ მაცარის შეგირდებმა სამი გაიტანეს, არადა, ბოლო დროს მოწინააღმდეგის კარის აღება როგორ უჭირდათ.
საუდის არაბეთში შეხვედრას დიდი ინტერესი არ გამოუწვევია. დასამალი არაა, იქაურები "მილანსა" თუ "იუვენტუსს" მეტად იცნობენ. იმედია, ფინალი მათ და ყველას მოლოდინებს სრულად გაამართლებს და ხვიჩაც "ინტერთან" დასამახსოვრებელ მატჩს ჩაატარებს!..
![alt](/pictures/image50/d04d4c4a61c18f0a93f83feebda7df27.png "გულშემატკივრები ხვიჩას დასამახსოვრებელი მატჩის მოლოდინში - რისი შეცვლა სცადეს "ნაპოლიში" და რა გამოვიდა...")
ხვიჩა შეცვალეს - "ნაპოლიმ" "ფიორენტინას" სძლია და ფინალში გავიდა [VIDEO]
![alt](/pictures/image50/db2748a62717428403ed6ce20bce2362.jpeg "გულშემატკივრები ხვიჩას დასამახსოვრებელი მატჩის მოლოდინში - რისი შეცვლა სცადეს "ნაპოლიში" და რა გამოვიდა...")
მაცარი: კვარაცხელია ჩემს ტაქტიკას მსხვერპლად შეეწირა?
სამწუხარო ისაა, რომ კვარას არანაირი ტრავმა არ მიუღია, უბრალოდ მიოლიონები დაუტკბა, პატარა მეოცნებე ბიჭის ბუნებას უღალატა და დაკმაყოფილდა იმით, რასაც უკვე მიაღწია... ისე, როგორც ეს აქამდეც მრავალგზის გვიხილავს ქართულ სინამდვილეში.
აბა სხვაგვარად როგორ ამიხსნით, რომ ადამიანი 10-დან 10 ორთაბრძოლას უბრძოლველად თმობს, საერთოდ ერიდება კონტაქტებს და ძველი კვარასგან კარდინალური განსხვავებით, პასებისა და მოძრაობის 90%-ს უკან, საკუთარი კარისკენ, უსაფრთხო და მშვიდი, მაგრამ ამავე დროს უსარგებლო გარემოსკენ აკეთებს.
მთელ სიბერეს აუტანელ სინანულში გაატარებ, კვარა, ამ საქციელის გამო, თუ დროზე არ მოხვედი გონს და არ მიხვდი, რომ არ არსებობს საკუთარი შესაძლებლობების სრულ რეალიზაციაზე დიდი სიამოვნება, არ არსებობს ბავშვობის ოცნებების ახდენაზე დიდი სიხარული, არ არსებობს ღვთივ ბოძებული ნიჭით მშობელი ხალხისთვის დღესასწაულების მოწყობაზე დიადი საქმე და არ არსებობს არაფერი არც მატერიალურ და არც სულიერ სამყაროში, რაც ამ სიქველეთა საპირწონედ ითქმის და ივარგებს.
რამდენჯერმე მოხდა ისტორიაში, რომ ქართველებმა უკვე მოპოვებული გამარჯვება დათმეს, რადგან დამარცხებული მტრის დევნის ნაცვლად ბრძოლის ველზე ოხრად დარჩენილ ალაფს დააცხრნენ ხარბად. იმ უგუნური წინაპრების რიგში ჩადგები შენც, თუ საკუთარი ბავშვური ოცნებების ახდენასთან ასე ახლოს მდგომმა, ნანატრი მწვერვალების დაპყრობას ფუფუნებით და განცხრომით ტკბობა ანაცვალე.
უპოვარი ადამიანი რომ მიზანსწრაფულია, ხვიჩა, ეგ პროფესიონალიზმი არ არის, ეს გაჭირვების დაძლევის ინსტიქტია, რაც ყველა ადამიანში დევს. პროფესიონალიზმია მიზანსწრაფვის, დასახული გეგმების შესასრულებლად თავდადების უნარის შენარჩუნება სიცოცხლის ბოლომდე, მაშინაც, როცა მატერიალური გაჭირვება დაძლეულია და ნეტარების ყველა პირობა არსებობს.
ერთხელ ვცხოვრობთ, ხვიჩა! ნუთუ გგონია, რომ ამდენი ნიჭი მხოლოდ საკუთარი ტკბილი სიცოცხლის უზრუნველსაყოფად მოგეცა?!
მე ის კვარა მახსოვს, ჯერ კიდევ ბავშვი, რუბინში აღებული პირველი ხელფასებით კოვიდით პარალიზებული წალენჯიხის გაჭირვებულ მკვიდრთ სანოვაგეს რომ ურიგებდა უხმაუროდ, რეკლამაციის გარეშე. ქველმოქმედი ახლაც იქნები, დარწმუნებული ვარ, მაგრამ კაპიკია ყველა შენი ქველმოქმედების ფასი, თუ მთავარი იმედი დაულეწე და ნაცარტუტად უქციე ხალხს, რომელიც შენი ჯანმრთელობისთვის, სიკეთისთვის და წარმატებისთვის ლოცულობს.
2. ეს ლოგიკურია რადგან ცნობილია მეორე წლის სინდრომი. უმაღლეს დონეზე თამაშის მეორე წელი ყველასთვის პრობლემურია. და ჩავარდნა თითქმის ყოველთვის ხდება.
3. მეორე წლის კრიზისის ძირითადი მიზეზებია: ფსიქოლოგიური, ფეხბურთელისაგან გაცილებით ბევრს მოითხოვენ, და ხდება ძლიერი ფსიქოლოგიური ზეწოლა, რომელსაც ჯერ მიჩვეული არ არის და ტექნიკური, ანუ მოწინააღმდეგეებმა აღმოაჩინეს მისი თამაშის თავისებურებები და იყენებენ ამას.
4. თუ ფეხბურთელმა წარმატებით გადაიტანა მეორე წლის კრიზისი, გამოიყენა ეს წელი იმისათვის რომ ფსიქოლოგიურად გაძლიერდეს, აღმოაჩინოს სად აქვს სისუსტეები, რა აქვს დასახვეწი და ამაზე იმუშაოს, მესამე წელს ისევ იწყება აღმასვლა და უკვე ახალ, უფრო მაღალ საფეხურზე ასვლა.
ხოდა ჩემი აზრით, ხვიჩამ უნდა აიყვანოს ფსიქოლოგი, რომელიც მოხსნის ამ დაძაბულობას. უნდა სგრეთვე მიხედოს იმას რაც დასახვეწი აქვს- მეტი სამუშაოა დარტყმაზე, არა მარტო სიზუსტეზე, არამედ მრავალფეროვნებაზე - ყოველთვის თითქმის ძალაზე ურტყამს,საჭიროა მეკარის მოტყუება დარტყმისას, თავზე გადაგდება, და ასე შემდეგ ეს სამუშაოა. დასახვეწია, აგრეთვე უბურთოდ მოძრაობა.
და ბოლოს ვიცი, ახლა დამიწერენ კვარამ უკეთ იცის რაზე იმუშაოსო. და შენი რჩევები არაფერში ჭირდებაო. ღმერთმა ქნას თუ ასეა. მაგრამ მე მგონი ფეხბურთელის ერთი მხრივ ცაში აყვანას, მისი პრობლემების არშემჩნევას ან მეორე მხრივ ბულინგსა და ლანძღვას მაინც ეს ჯობია