იტალიის სერია A-ს 21-ე ტურის გადადებულ შეხვედრაში ხვიჩა კვარაცხელიას "ნაპოლიმ" გასვლაზე "სასუოლო" 6:1 გაანადგურა. მორიგი ბრწყინვალე მატჩი ჰქონდა ქართველ ფეხბურთელს, რომელმაც დუბლთან ერთად საგოლე გადაცემაც მიითვალა.
ჩვენებურთან ერთად მოედანზე ერთ-ერთი საუკეთესო ვიქტორ ოსიმენი გახლდათ. ნიგერიელმა "ნეროვერდის" ჰეთ-თრიქი შეუსრულა და მიმდინარე სეზონში უკვე 11 გოლი მოუგროვდა.
აღსანიშნავია, რომ ოსიმენი ატილა სალუსტროს (1929-1933) და დიეგო მარადონას (1984-1988) შემდეგ გახდა "ნაპოლის" პირველი ფეხბურთელი, რომელმაც ზედიზედ 4 სეზონში შეძლო 10+ გოლის გატანა.
![ხვიჩა შეცვლაზე შევიდა - "ნაპოლიმ" "ჯენოას" სძლია [VIDEO]](/pictures/image7/8823115fa3399d5eb0e970d0eddb43b9.png "ხვიჩა შეცვლაზე შევიდა - \"ნაპოლიმ\" \"ჯენოას\" სძლია [VIDEO]")
