TGR Campania-სთან ინტერვიუში "ნაპოლის" პრეზიდენტმა აურელიო დე ლაურენტისმა განაცხადა, რომ კლუბს მალე ახალი საშინაო არენა ექნება. მშენებლობა 18 თვეში დაიწყება და ის "პარტენოპეის" დღევანდელ სტადიონთან ახლო იქნება. იგეგმება, რომ მშენებლობა 2027 წლის ივლისში დასრულდეს და "ნაპოლიმ" ახალ არენაზე თამაში სწორედ ამ პერიოდიდან დაიწყოს.
გარდა ამისა, ახალ სტადიონთან აშენდება სპორტული ქალაქი, რომელშიც 12 მოედნის განთავსება იგეგმება. შეგახსენებთ, რომ ახლა კლუბის საშინაო არენა დიეგო არმანდო მარადონას სახელობის სტადიონია, რომელიც 60 000 კაცზე მეტს იტევს.
