Sky Italia-ს ინფორმაციით, "ნაპოლის" 24 წლის ნორვეგიელი მცველი ლეო ოსტიგორი, დიდი ალბათობით, კარიერას საფრანგეთის ლიგა 1-ის ბინადარ "რენში" განაგრძობს. ფეხბურთელი "პარტენოპეის" ახალი მწვრთნელის, ანტონიო კონტეს გეგმებში არ შედის და მას უკვე შეატყობინა, რომ წასვლა შეუძლია.
ზემოთ აღნიშნული წყაროს ცნობით, "რენთან" მოლაპარაკებები დასკვნით ფაზაშია, ფრანგები 7 მილიონ ევროს იხდიან და ნორვეგიელს კონტრაქტს 2028 წლის ზაფხულამდე სთავაზობენ.
შეხსენებისთვის, "ნაპოლიმ" ოსტიგორი 2022 წელს "ბრაიტონიდან" 5,5 მილიონ ევროდ შეიძინა. ამ ხნის განმავლობაში მან ჯამში "პარტენოპეიში" ყველა ტურნირზე 43 მატჩი ჩაატარა და სამი გოლი გაიტანა.
