დიდი ბრიტანეთის პარლამენტში მსოფლიოს ჩემპიონატის ბოიკოტის საკითხი განიხილება და ლეიბორისტული პარტიის დეპუტატმა იენ ოსტინმა განაცხადა, რომ ამ ტურნირს რუსეთის პრეზიდენტი ვლადიმერ პუტინი ისევე იყენებს, როგორც 1936 წლის ოლიმპიური თამაშები გამოიყენა ნაცისტური გერმანიის ლიდერმა ადოლფ ჰიტლერმა. საგარეო საქმეთა მინისტრმა ბორის ჯონსონმა კი თქვა, რომ მუნდიალს პუტინი პიარ-კამპანიისთვის იყენებს და მასში მონაწილეობა საზიზღრობაა.
ინგლისელები შეშინებულები არიან რუსეთის სახელმწიფო სადაზვერვო სამმართველოს (ГРУ) ყოფილი პოლკოვნიკის სერგეი სკრიპალის მოწამლვით და მუნდიალზე საკუთარი სანოვაგით ჩავლენ. ისინი თან თავიანთ მზარეულებს წაიყვანენ და საჭმელ-სასმელს ყურადღებით შეამოწმებენ.
