მესის "რეკომენდაციით" სამპაოლიმ იკარდი ნაკრებს მიღმა დატოვა

არგენტინის ნაკრების მწვრთნელმა ხორხე სამპაოლიმ მსოფლიოს ჩემპიონატზე თავისი გუნდის საბოლოო შემადგენლობა გამოაცხადა.

ნაკრების განაცხადს მიღმა დარჩა "ინტერის" ფორვარდი მაურო იკარდი. როგორც ამტკიცებენ, ის სამპაოლიმ ეროვნული გუნდის ლიდერის, ლეო მესის "რეკომენაციით" არ შეიყვანა განაცხადში. ხორხემ Chicago Tribune-ს განუცხადა, რომ ალბისელესტე მისი კი არა, არამედ ლიონელის გუნდია. ლეოს იკარდი თვალში მას შემდეგ არ მოსდის, რაც მისი მეგობრის, მაქსი ლოპესის ყოფილი მეუღლე, ვანდა ნარა შეირთო ცოლად.

აი, ვერცხლისქვეყნელთა საბოლოო შემადგენლობა:

მეკარეები: სერხიო რომერო (მანჩესტერი), ფრანკო არმანი (რივერ პლეიტი), ვილი კაბალიერო (ჩელსი)

მცველები: გაბრიელ მერკადო (სევილია), ნიკოლას ტალიაფიკო (აიაქსი), ფედერიკო ფასიო (რომა), ნიკოლას ოტამენდი (მანჩესტერ სიტი), მარკოს როხო (მანჩესტერი), კრისტიან ანსალდი (ინტერი), მარკოს აკუნია (სპორტინგი)

ნახევარმცველები: ევერ ბანეგა (სევილია), ხავიერ მასკერანო (ჰებეი ჩაინა ფორჩუნი), ედუარდო სალვიო (ბენფიკა), ლუკას ბილია (მილანი), ანხელ დი მარია, ჯოვანი ლო ჩელსო (ორივე პსჟ), მანუელ ლანსინი (ვესტ ჰემი), მაქსი მესა (ინდეპენდიენტე)

თავდამსხმელები: ლიონელ მესი (ბარსელონა), სერხიო აგუერო (მანჩესტერ სიტი), გონსალო იგუაინი, პაულო დიბალა (ორივე იუვენტუსი), კრისტიან პავონი (ბოკა ხუნიორსი)