სამპაოლი განავალია - პრესამ სიმეონესა და ბურგოსის შორის პირადი საუბარი გამოაქვეყნა

არგენტინულმა პოპულარულმა გამოცემა Ole-მ მადრიდის "ატლეტიკოს" მთავარი მწვრთნელის, დიეგო სიმეონესა და მისი ასისტენტის, ხერმან ბურგოსის საუბრის აუდიოჩანაწერი მოიპოვა, რომელიც WhatsApp-ში შედგა.

"ჩოლო" არგენტინის ნაკრების შესახებ საუბრობს და კრიტიკას არ იშურებს.

"რაც ხორვატიასთან მატჩში ვნახეთ, უცხო არაა და ბოლო 4 წელია სწორედ ამას ვუყურებთ. ეს სრული ანარქიაა!

მოედანზე დამარცხებულ გუნდს ვხედავთ. მათ თამაში ისე უნდა დაეწყოთ, როგორც ისლანდიასთან.

ვიმედოვნებ, ნიგერია ისლანდიას დაამარცხებს და შემდეგ ჩვენ მოვუგებთ ნიგერიას.

არგენტინის ნაკრების ფეხბურთელები გასახდელში ალბათ ერთმანეთს ურტყამენ. მეკარემ მსგავსი შეცდომა ადრე გერმანიასა და იტალიასთან მატჩებშიც დაუშვა. იქ გოლები არ გაგვიშვია, რაც სამწუხაროა, რადგან ყველა მიხვდებოდა, რომ ასეთი რამ შესაძლოა მსოფლიო ჩემპიონატზეც მომხდარიყო.

ყველამ ვიცით, რომ მოედანზე მთავარნი ფეხბურთელები არიან, მაგრამ არგენტინის შემთხვევაში ისინი საქმის არა 90%-ს, არამედ 60%-ს აკეთებენ.

ცუდია, როდესაც საქმეს მწვრთნელები ვურევთ. ხორხე სამპაოლი განავალია, ეს კი იმაზე საშინელებაა, ვიდრე განავალი ფეხბურთელები გყავდეს.

მესი ძალიან მაგარი ფეხბურთელია, მაგრამ ის მაგარი იმიტომაა, რომ გვერდით შესანიშნავი ფეხბურთელები ჰყავს", - ამბობს სიმეონე.

მუნდიალი 2018: არგენტინის ნაკრები შოკშია - ხორვატიასთან დამარცხდა და ჯგუფში ჩარჩენა ემუქრება [VIDEO]

არგენტინელი ჟურნალისტი: მესი ნაკრებიდან უნდა წავიდეს, რადგან მის გამო უგულო ნაკრები მივიღეთ

მესიმ სასწაული უნდა მოახდინოს - რას წერს მსოფლიოს წამყვანი სპორტული პრესა არგენტინის მარცხზე

ფურთხი, ცრემლები, გინება - არგენტინის ნაკრების ტრაგედია სურათებში [PHOTO]