მუნდიალი 2018: რუსეთი პირველივე სერიოზულმა მეტოქემ დაამარცხა [VIDEO]

მსოფლიოს ჩემპიონტზე A ჯგუფში დასკვნითი ტურის მატჩში ურუგვაიმ რუსეთს 3:0 სძლია და ჯგუფში პირველი ადგილი დაიკავა. საუდის არაბეთმა კი ეგვიპტეს 90+5-ე წუთზე გატანილი გოლით 2:1 მოუგო.

ანგარიში მე-10 წუთზე საჯარიმოთი სუარესმა გახსნა და უნდა აღინიშნოს, რომ მეკარე აკინფეევმა შეცდომა დაუშვა. შემდეგ ჩერიშევის დარტყმული მუსლერამ მოიგერია და 25-ე წუთზე ლაქსალტმა ჩერიშევისგან რიკოშეტით მეორე გოლი გაიტანა. მორიგი იერიშისას კი სტუმრებმა ანგარიშის გაზრდის კარგი შესაძლებლობა ვერ გამოიყენეს. 36-ე წუთზე სმოლნიკოვმა ლაქსალტი მოცელა, მეორე ყვითელი ბარათი მიიღო და რუსეთის ნაკრები რიცხობრივ უმცირესობაში დარჩა.

მეორე ტაიმში სამხრეთამერიკელებს თამაში არ გაუმწვავებიათ, კავანიმ მესამე გოლი მაინც გაიტანა და 3:0 გაიმარჯვეს.

A ჯგუფი. ორშაბათი. 25 ივნისი. სამარა. 41 970 მაყურებელი
რუსეთი - ურუგვაი 0:3
გოლები: 0:1 სუარესი (10), 0:2 ჩერიშევი (25, საკ. კარში), კავანი (90)
გაძევება: სმოლნიკოვი (36)

ურუგვაი: მუსლერა, გოდინი, კოატესი, კასერესი, ნანდესი (როდრიგესი 73), ტორეირა, ბენტანკური (არასკაეტა 63), ვესინო, ლაქსალტი, კავანი (გომესი 90), სუარესი

რუსეთი: აკინფეევი, სმოლნიკოვი, კუტეპოვი, იგნაშევიჩი, კუდრიაშოვი, გაზინსკი (კუზიაევი 46), ზობნინი, სამედოვი, ალ. მირანჩუკი (სმოლოვი 60), ჩერიშევი (ფერნანდესი 38), ძიუბა


ორივე გუნდი ჯგუფში იყო ჩარჩენილი და ამ შეხვედრას არანაირი პრაქტიკული მნიშვნელობა არ ჰქონდა. ეგვიპტის ნაკრებში 45 წლის მეკარემ, ესამ ელ ჰადარიმ ითამაშა, რომელიც მუნდიალის ისტორიაში ყველაზე ხანდაზმული ფეხბურთელია.

A ჯგუფი. ორშაბათი. 25 ივნისი. ვოლგოგრადი. 36 823 მაყურებელი
საურის არაბეთი - ეგვიპტე 2:1
გოლები: 0:1 სალაჰი (22), 1:1 ალ ფარაჯი (45+6, პენ), 2:1 ალ დავსარი (90+5)
გამოუყენებელი პენალტი: ალ მუვალადი (41)

საუდის არაბეთი: ალ მოსალემი, მ. ჰავსავი, ო. ჰავსავი, ალ ბურაიქი, ალ შაჰრანი, ბაბჰინი (ასერი 65), ალ ფარაჯი, ოტაიფი, ჰუსაინი, ალ დავსარი, ალ მუვალადი (ალ შეჰრი 79)

ეგვიპტე: ელ ჰადარი, ფათჰი, ალი გაბრი, ჰეგაცი, აბდელშაფი, ელ ნენი, ჰამედი, სალაჰი, ელ საიდი (ვარდა 45+7), ტრეზეგე (კაჰრაბა 81), მოჰსენი (სობჰი 64)