Football Italia Sky Sport Italia-ზე დაყრდნობით წერს, რომ იტალიის ეროვნული ნაკრები შესაძლოა კატარის მსოფლიო ჩემპიონატზე მოხვდეს. "სკუადრა აძურამ" შესაძლოა ირანი ჩაანაცვლოს.
გავრცელებული ინფორმაციის თანახმად, სამშაბათს ლიბანთან გასამართ მატჩზე ირანმა 2000 ქალბატონს მოედანზე დასწრების შესაძლებლობა არ მისცა, რის გამოც ორგანიზაციის ხელმძღვანელობასთან ურთიერთობა გაიფუჭა და ყველაზე დიდი სანაკრებო ტურნირიდან მოკვეთაც ემუქრება.
თუ მოვლენები მსგავსი სცენარით წარიმართა, მაშინ ფიფა ახლო აღმოსავლეთში სათამაშოდ მსოფლიო ჩემპიონატზე ვერმოხვედრილ რეიტინგში ყველაზე მაღლა მდგომ გუნდს მიიწვევს, ასეთი კი იტალია გახლავთ.
შეგახსენებთ, ევროპის ჩემპიონატის მოქმედი ჩემპიონები მსოფლიოს საკვალიფიკაციო ეტაპის
პლეი-ოფში ჩრდილოეთ მაკედონიასთან 1:0 დამარცხდნენ.
მომზადებულია Championat-ის მიხედვით
აპოკალიფსი? მაკედონიამ სტუმრად იტალია დაამარცხა - "სკუადრა აძურა" ზედიზედ მეორედ დარჩა მუნდიალის გარეშე [VIDEO]
