ლეგენდარულმა უკრაინელმა ფეხბურთელმა, ახლა კი უკვე მწვრთნელმა ანდრეი შევჩენკომ ფიფას პრეზიდენტი ჯანი ინფანტინო გააკრიტიკა.ინფანტინომ თქვა, რომ რუსეთსა და უკრაინას ერთმანეთს შორის კონფლიქტი აქვთ, რასაც შევჩენკო ასე გამოეხმაურა:
"მინდა, გამოვეხმაურო ფიფას პრეზიდენტის ჯანი ინფანტინოს სიტყვებს, რომელმაც ჩემს ქვეყანაში მიმდინარე მოვლენებს კონფლიქტი უწოდა. არ ვეთანხმები მის სიტყვებს. ეს არ არის კონფლიქტი, ეს არის ნამდვილი ომი და უკრაინელი ხალხის გენოციდი რუსეთის მიერ!" - განაცხადა შევჩენკომ.
