2022 წლის მუნდიალის ნახევარფინალური მატჩის შემდეგ, სადაც საფრანგეთმა მაროკო 2:0 დაამარცხა, საფრანგეთის რამდენიმე ქალაქში ფრანგ და მაროკოელ ფანებს შორის დაპირისპირება მოხდა. ერთ-ერთი ასეთი ადგილი ქალაქი მონპელიე იყო, სადაც დიდი ტრაგედია დატრიალდა და 14 წლის ბიჭი გარდაიცვალა.
ერთ-ერთ ავტომობილს, რომლის ფანჯრებიდანაც საფრანგეთის დროშები იყო გამოფენილი, ჯერჯერობით უცნობი პირები დაესხნენ თავს. ამის შემდეგ მძღოლმა მანქანა სწრაფად დაძრა და 14 წლის ბიჭს დაეჯახა. ბავშვი სასწრაფოდ საავადმყოფოში გადაიყვანეს, თუმცა მისი გადარჩენა ვერ მოხერხდა.
საფრანგეთის პოლიციამ აღნიშნულ ფაქტზე გამოძიება უკვე დაიწყო.
