22 სექტემბერს, საფრანგეთის ლიგა 1-ის VII ტურის ორი შეხვედრა გაიმართა."მონაკო" სტუმრად "ლილს" დაუპირისპირდა და მეტოქეს ოთხი უპასუხო გოლი გაუტანა - 4:0. ანგარიში სტუმრებმა 24-ე წუთზე, სტევან იოვეტიჩის გოლით გახსნეს, 30-ზე კი რაშიდ გეზალმა ანგარიში ორამდე გაზარდა. მეორე ტაიმში "ლილს" ორჯერ რადამელ ფალკაომ გაუტანა - კოლუმბიელმა თავი 48-ე და 73-ე წუთებზე (პენალტით) გამოიჩინა.
აღსაშნავია, რომ ფალკაოს მიმდინარე ჩემპიონატში უკვე 10 გოლი აქვს გატანილი და ამ მაჩვენებლით ის ევროპის ყველა წამყვანი ჩემპიონატის საუკეთესო ბომბარდირია.
ამ მოგებით "მონაკო" ლიგა 1-ის სატურნირო ცხრილში
ტურის კიდევ ერთ მატჩში "ნიცამ" ფრედ 2:2 ითამაშა "ანჟერსთან". ნიცაში, "ალიანც რივეირაზე" ანგარიში 12-ე წუთზე მატე პავლოვიჩის გოლით "ანჟერი" დაწინაურდა, 34-ეზე კი სხვაობა ორბურთიანი კარლ ტოკო ეკამბიმ გახადა. მალევე მარიო ბალოტელიმ (39) პენალტიდან ერთი ბურთი გაქვითა, 76-ეზე კი ისმაელ ტრაორემ ბურთი საკუთარ კარში ჩაჭრა და საბოლოო ანგარიში დაფიქსირდა.
"ნიცა" 10 ქულით ცხრილში მეექვსეა, "ანჟერი" კი 8 ქულით მეთერთმეტე. ტურის დანარჩენი შეხვედრები 23 და 24 სექტემბერს ჩატარდება.
![გამორჩეული ოდიშიარია და "რიგასის" საპატიო ფრე "ანდერლეხტთან" [VIDEO]](/pictures/image7/3730e9823073b388ae01bf5f8e313092.jpg "გამორჩეული ოდიშიარია და \"რიგასის\" საპატიო ფრე \"ანდერლეხტთან\" [VIDEO]")
![ჩემპიონთა ლიგა. IV ტური: კიტეიშვილის "შტურმის" დასანანი მარცხი "დორტმუნდთან" - "რეალის" და "სიტის" სენსაციური წაგებები [VIDEO]](/pictures/image7/fdb2c62b69f1859b04419590737b7120.jpg "ჩემპიონთა ლიგა. IV ტური: კიტეიშვილის \"შტურმის\" დასანანი მარცხი \"დორტმუნდთან\" - \"რეალის\" და \"სიტის\" სენსაციური წაგებები [VIDEO]")
