ლიგა 1-ის ბინადარმა "მარსელმა" გვაუწყა, რომ 29 წლის ფრანგი ნახევარმცველი ადრიენ რაბიო დაიმატა, რომელიც თავისუფალი აგენტი გახლდათ. მხარეებმა ხელშეკრულება 2026 წლის ზაფხულამდე გააფორმეს. რაბიო ბოლო 5 წელი ტურინის "იუვენტუსის" ღირსებას იცავდა, იქამდე კი სამშობლოში პსჟ-სა და "ტულუზში" ბურთაობდა.
მას ლიგა 1 კარიერის განმავლობაში ხუთჯერ მოუგია. საფრანგეთის ნაკრებთან ერთად რაბიომ 2020/21 წლების ერთა ლიგა მოიგო.
