როგორც უკვე გაუწყეთ, 18 აგვისტოს ლვოვი-კრაკოვეცის ტრასაზე საფეხბურთო კლუბ ლვოვის "კარპატის" პრეზიდენტის, ბიზნესმენ პიოტრ დიმინსკის "მერსედესი" "ოპელის" მარკის ავტომობილს დაეჯახა. ავტოავარიის შედეგად "ოპელის" მძღოლი, 26 წლის ქალი ადგილზე გარდაიცვალა. თვითმხილველებმა შეამჩნიეს, რომ დიმინსკი "მერსედესიდან" უკან მიმავალ დაცვის მანქანაში გადაჯდა, დანაშაული კი საკუთარ თავზე დაცვის 43 წლის თანამშრომელმა აიღო, რომელსაც სასამართლომ ორთვიანი წინასწარი პატიმრობა მიუსაჯა.
გამომძიებელები "მერსედესში" გახსნილ უსაფრთხოების ბალიშზე ბიოლოგიურ ექსპერტიზას ჩაატარებენ და დაადგენენ სინამდვილეში ვინ იჯდა საჭესთან.
თუმცა, გარდაცვლილის ძმა ამტკიცებს, რომ ავარია დიმინსკიმ მოახდინა.
