ოქტომბერში "ევერტონიდან" დათხოვნილმა მწვრთნელმა რონალდ კუმანმა ჰოლანდიურ "ტელეგრაფს" გაუმხილა, რომ ნიდერლანდების ნაკრების ჩაბარების სურვილი აქვს:"ყოველთვის ვამბობდი, რომ ჩემი ქვეყნის ეროვნული გუნდის გაწვრთნა მინდოდა. ვიცი, ჩემი კანდიდატურა განიხილება, თუმცა ჯერ არავინ არ დამკავშირებია. არაერთი შემოთავაზება მაქვს, ამდენი ხანი მწვრთნელად მუშაობის შემდეგ პრიორიტეტები ჩამომიყალიბდა. არ დაგიმალავთ, ჰოლანდიის ნაკრები მათ შორისაა. სანამ ეს საკითხი დღის წესრიგში არ დგას, არაფერს არ მოვიმოქმედებ".
შეგახსენებთ, ნიდერლანდების ეროვნულმა გუნდმა მუნდიალის საგზური ვერ მოიპოვა, მწვრთნელი დიკ ადვოკატი ნოემბერში გადადგა, მისი ადგილი კი დღემდე ვაკანტურია.
![არეულობა ჰოლანდიაში - თურქი ფანები ადგილობრივებს დაერივნენ [VIDEO]](/pictures/image7/bee99ef89d91edf006a4c00168472646.png "არეულობა ჰოლანდიაში - თურქი ფანები ადგილობრივებს დაერივნენ [VIDEO]")
