რუსულმა საფეხბურთო კლუბმა "როსტოვმა" გადაწყვიტა, თავისი მეოთხე მაისური გამოეშვა, რომელზეც ხალიჩა იქნებოდა გამოსახული. გუნდის ადმინისტრაციას ეს აზრი მას შემდეგ მოუვიდა, რაც პრემიერლიგის მე-4 ტურის შეხვედრაში "როსტოვმა" "ენისეი" 4:0 დაამარცხა.
კლუბის ერთ-ერთი გულშემატკივარი ტრიბუნაზე ხალიჩით იყო მისული და მათაც ჩათვალეს, რომ ეს იღბლის მომტანი გახლდათ.
![Sportall.Ge](/pictures/artimages/original/4397c385a1c75a3136c532707e72ee50.jpg ""როსტოვმა" კლუბის მეოთხე მაისური გამოუშვა, რომელზეც ხალიჩაა გამოსახული")
"როსტოვი" აღნიშნულ მაისურს 2800 რუბლად, ანუ 28,47 ევროდ ყიდის. გუნდს ცნობილი რუსი სპეციალისტი ვალერი კარპინი ავარჯიშებს, რომლის ხელმძღვანელობითაც, 4 ტურში მოპოვებული 9 ქულით, კლუბი ადგილობრივ ჩემპიონატში მე-4 ადგილზეა.
