რუსულ საფეხბურთო საიტებზე ფეხბურთზე უფრო იქაურ კრიმინალურ ამბებზე იწერება.
ამჯერად მოსკოვის "სპარტაკის" ნახევარმცველმა აიაზ გულიევმა "გამოიჩინა თავი". ის თავისი "მერსედესით" მოსკოვში გადასასვლელზე ამერიკის მოქალაქეს, მაიოკლ კოუ ჯონ ელის დაეჯახა. შუქნიშანზე როდესაც წითელი აინთო, ყველა ავტომობილი გაჩერდა, მხოლოდ გულიევმა გააგრძელა მოძრაობა და ელის დაეჯახა, რომელმაც მანქანაზე ხელი დაარტყა. ეს იწყინა ფეხბურთელმა, გადავიდა და ცხვირი მაგრად გაუტეხა.
დაზარალებულს სამედიცინო დახმარება აღმოუჩინეს, საავადმყოფოში გადაყვანაზე კი უარი განაცხადა.
პოლიციის განყოფილებაში გულიევმა ამერიკელს რამდენჯერმე ბოდიში მოუხადა და ფული შესთავაზა. საბოლოოდ ელიმ დაწერა განცხადება, რომ პრეტენზია
არ გააჩნია.
გულიევმა ავტომობილი 2018 წელს შეიძინა, 200-ზე მეტჯერ დაარღვია მოძრაობის წესები და ჯარიმების ნაწილი გადაიხადა.
22 წლის გულიევი მოსკოვში დაბადებული აზერბაიჯანელია და რუსეთის ახალგაზრდულ ნაკრებში თამაშობდა.
![ჯანო ანანიძე მოსკოვის "სპარტაკს" მოსამზადებელ შეკრებაზე ესტუმრა [PHOTO]](/pictures/image7/e9f8b157efe2ce25b86d1578fc6763fe.jpg "ჯანო ანანიძე მოსკოვის \"სპარტაკს\" მოსამზადებელ შეკრებაზე ესტუმრა [PHOTO]")
