"პორტუს" მეკარემ, იკერ კასილიასმა ვარჯიშზე მიოკარდიუმის ინფარქტი მიიღო.
კასილიასი საავადმყოფოში გადაიყვანეს და მის სიცოცხლეს საფრთხე არ ემუქრება.
იკერმა ვარჯიშზე თავი შეუძლოდ იგრძნო და ამ სეზონში აღარ ითამაშებს.
კლუბმა ამასთან დაკავშირებით განცხადება გაავრცელა: "კასილიასმა დილის ვარჯიშზე მიოკარდიუმის მწვავე ინფარქტი გადაიტანა. იკერი საავადმყოფოშია, მისი ჯანმრთელობის მდგომარეობა სტაბილურია. გულის პრობლემა გადაჭრილია".
TVI24-ის ცნობით, იკერს ოპერაცია გაუკეთეს და შეიძლება ფეხბურთელმა კარიერა დაასრულოს.
ის "პორტუში" 2015 წელს გადავიდა და 20 მაისს 38 წლის გახდება, "დრაკონებთან" კონტრაქტი კი მომავალი წლის ზაფხულში უმთავრდება.
ამ სეზონში კასილიასმა პორტუგალიის
ჩემპიონატის 31 მატჩში 19 გოლი გაუშვა, ხოლო ჩემპიონთა ლიგაზე 10 შეხვედრაში მიიღო მონაწილეობა (15 გოლი გაუშვა) და "პორტუს" 1/4-ფინალში გასვლაში დაეხმარა.
!["პორტუმ" "არსენალს" 90+4-ე წუთზე გატანილი გოლით სძლია [VIDEO]](/pictures/image7/47c51dfcc82994c3024b9c0ba49ba0a5.jpg "\"პორტუმ\" \"არსენალს\" 90+4-ე წუთზე გატანილი გოლით სძლია [VIDEO]")
![ჩემპიონთა ლიგა. VI ტური: პსჟ-ც გავიდა - 18 დეკემბერს პლეი-ოფის წილისყრაა [VIDEO]](/pictures/image7/9164ca2cee5f1d9ea97e72991022b664.jpeg "ჩემპიონთა ლიგა. VI ტური: პსჟ-ც გავიდა - 18 დეკემბერს პლეი-ოფის წილისყრაა [VIDEO]")
