ფეხბურთის მეფე პელემ მსოფლიოს ფეხბურთში ვარსკვლავების სიმწირეზე ისაუბრა.
"ვისთან ვისურვებდი 2019 წელს თამაშს? მესის დავასახელებ. ის ძალიან მოხერხებული ფეხბურთელია. ლეო შედეგიან გადაცემებს აკეთებს, გოლები გააქვს, ბურთს შესანიშნავად ფლობს. ჩვენ რომ თანაგუნდელები ვიყოთ, მეტოქეებს ორი ფეხბურთელის შეჩერება მოუწევდათ და არა ერთის! მესი სრულყოფილი მოთამაშეა.
ადრე ყველა ქვეყანაში მსოფლიოს დონის 2-3 ფეხბურთელი იყო: ეუსებიო, იოჰან კრუიფი, ფრანც ბეკენბაუერი, დიეგო მარადონა, გარინჩა, დიდი. რამდენი დავასახელე? ძალიან ბევრი იყო. ახლა მხოლოდ მესი და რონალდოა. შეიძლება კიდევ ნეიმარი დავასახელოთ, მაგრამ ის ბრაზილიაში დიადი ჯერ ვერ
გახდა.
იმედია, ნეიმარი მსოფლიოს ფეხბურთში მთავარი პრიზის პრეტენდენტი იქნება. ხალხი მას აკრიტიკებს. გვავიწყდება, რომ ჩვენი "სანტოსის" პროდუქტია. მისთვის მუდამ საუკეთესო გვინდა. ამას ნეიმარის მამას ხშირად ვეუბნები. ნეიმარი შესანიშნავი მოთამაშეა", - ციტირებს პელეს "გაძეტა დელო სპორტი".
პელე: მბაპე შეიძლება ახალი პელე გახდეს!
ზიკო: მესი დონით მარადონასთან ახლოსაა, პელესთან მისი შედარება კი არ შეიძლება
პელე: მარადონა მესიზე გაცილებით უკეთესი ფეხბურთელი იყო
![უდრამატულეს შეხვედრაში მესის გუნდი დამარცხებულია - ლობჟანიძეს ლეგენდარულ არგენტინელთა დაპირისპირება უკვე გადამწყვეტ მატჩში მოუწევს [VIDEO]](/pictures/image7/c271a1c191ad0ddce5f0ddf7c9d5c5b6.jpg "უდრამატულეს შეხვედრაში მესის გუნდი დამარცხებულია - ლობჟანიძეს ლეგენდარულ არგენტინელთა დაპირისპირება უკვე გადამწყვეტ მატჩში მოუწევს [VIDEO]")
