"ოქროს ბურთის" მეექვსედ მოგების შემდეგ "ბარსელონას" თავდამსხმელმა ლეო მესიმ ემოციები ვერ დამალა.
"მახსოვს, პირველი "ოქროს ბურთის" მისაღებად პარიზში სამ ძმასთან ერთად რომ ჩამოვედი. მაშინ 22 წლის ვიყავი. მაშინ ემოციური საღამო იყო, ისევე როგორც დღეს. ამ 10 წლის განმავლობაში ჩემს ცხოვრებაში იმდენი განსაკუთრებული რამ მოხდა. აი, ახლა, მე აქ ვარ, მეუღლესთან, სამ შვილთან, ძმასთან და ძმის შვილთან ერთად.
ჩემმა მეუღლემ თქვა, რომ მთელი ამ ხნის მანძილზე მე ოცნებას არ ვიშლიდი, ვიზრდებოდი, დღიდან დღემდე სრულყოფილებისაკენ ვილტვოდი და ფეხბურთით სიამოვნებას ვიღებდი.
მადლობა ღმერთს,
ყოველთვის იმას ვაკეთებდი, რაც ასე მიყვარს და ღმერთს სურს, კიდევ რამდენიმე წელიწადი თამაშით დავტკბე.
მე ვიცი, რამდენი წლის ვარ. ასეთი მომენტები განსაკუთრებულია, რადგან ფეხბურთიდან წასვლის დრო ახლოვდება, ეს კი მძიმეა.
გავიმეორებ, თუმცა კიდევ რამდენიმე წელიწადი დამრჩა, მეჩვენება, რომ დრო გარბის და ყველაფერი ისე სწრაფად ხდება. იმედია, გავაგრძელებ ფეხბურთით, ოჯახით, მეტოქეებით და ჩემი ცხოვრებით სიამოვნების მიღებას", - ციტირებს მესის "მარკა".
ლეო მესის "ოქროს ბურთი" მეექვსედ გადაეცა
ვირგილ ვან დეიკი: ჯილდოსთან ახლოს ვიყავი, მაგრამ სამწუხაროდ, ეს ადამიანი გაცილებით უკეთესი ფეხბურთელია
![მესის საგოლე პასი და ლაუტარო მარტინესის ულამაზესი გოლი პერუსთან [VIDEO]](/pictures/image7/25c06cac30defd4149f49eb371b8b6cb.jpg "მესის საგოლე პასი და ლაუტარო მარტინესის ულამაზესი გოლი პერუსთან [VIDEO]")
![ლობჟანიძის გუნდის უდიდესი სენსაცია - "ატლანტამ" ლიონელ მესის მაიამის "ინტერი" პლეი-ოფიდან გამოთიშა [VIDEO]](/pictures/image7/a581ca8bbae97f197cb41508a299498a.jpg "ლობჟანიძის გუნდის უდიდესი სენსაცია - \"ატლანტამ\" ლიონელ მესის მაიამის \"ინტერი\" პლეი-ოფიდან გამოთიშა [VIDEO]")
