მექსიკელი ფეხბურთელი ხავიერ ენანადესი, იგივე ჩიჩარიტო "ლოს ანჟელეს გალაქსისთან" კონტრაქტის შეთანხმების შემდეგ მშობლებს დაუკავშრიდა და მათთან საუბრისას ცრემლები ვერ შეიკავა.
მამა: როგორ ხარ შვილო?
ჩიჩარიტო: თქვენ როგორ ხართ?
მამა: კარგად, შენ?
ჩიჩარიტო: კარგად მამა, ძალიან კარგად ვარ. ცოტას ვტირი, მაგრამ კარგად ვარ.
მამა: რატომ შვილო?
ჩიჩარიტო: არაფერი მამა, შეთანხმება მალე შედგება და თქვენ საუბარი მინდოდა. "ლოს ანჟელეს გალაქსიში" გადავდივარ.
მამა: მერე?
ჩიჩარიტო: არაფერი მამა, ყველაფერი კარგადაა, მაგრამ იცი... აი, ეს გადაწყვეტილება ჩემი კარიერის დასასრულის დაწყებას ჰგავს, ხომ?
მამა: არა, ეგრე არა არის.
ჩიჩარიტო: ვიცი მამიკო, მაგრამ ეცადე გამიგო. არ ინერვიულო, მე იმას ვგულისხმობ, რომ... ვემშვიდობები იმ კარიერას, რაშიც ჩვენ ძალიან ბევრი შრომა ჩავდეთ. ჩვენ ძალიან ბევრი ვიმუშავეთ, თქვენც ხვდებით მაგას, კარგი კუთხით უნდა შევხედოთ ამას...
თუმცა, როგორც არ უნდა იყოს, ჩვენ ევროპულ ოცნებას ვემშვიდობებით. რომელსაც, ნუ არაუშავს, მაგრამ მინდოდა მეთქვა, დიეგომაც მირჩია თქვენთან დარეკვა. ჩვენ ხომ ამდენი ხანი ერთად ვიყავით ამ გზაზე.
ძალიან ძნელია, თუმცა მამა გამიგებს. ვტოვებ აქაურობას, რადგან ბედნიერი ვარ, ამას ვგულისხმობ მხოლოდ. არ ნიშნავს, რომ აქ თამაში აღარ შემეძლო, უბრალოდ ვტოვებ აქაურობას. ეს შესანიშნავი გამოცდილება იყო და ის ჩემი ნაწილია, თუმცა აღარასდროს ვიქნები იქ. ნუ, ყველაფერი შეიძლება მოხდეს, თუმცა...
ახლა ახალი ოცნება მაქვს წინ, რა თქმა უნდა, ის განსხვევებულია, თუმცა არ ადვილი. თქვენთან ახლოს ვიქნები, უფრო ხშირად გნახავთ.
დედა: მომისმინე რას გეტყვი, ჩვენს ბედს ღმერთი განაგებს, ზოგჯერ კი ჩვენ ვყოყმანობთ რაღაცების შეცვლაზე, მაგრამ ახლა შენთვის უკეთესი ესაა. შენთვის, შენი ოჯახისთვის, ნოასთვის, ყველასთვის. მაგრამ ვხვდები, რომ ეს ადვილი არაა, სულაც არაა მარტივი...
ჩიჩარიტო: კიდევ უფრო რთული იმიტომაა, რომ ვიცი, კიდევ შემიძლია (ევროპაში თამაში)...
დედა: ზუსტად. მესმის შენი, შესაძლოა გრძნობ, რომ "კიდევ შემიძლია აქ თამაში", თუმცა გარემოებებმა ამის საშუალება არ მოგცეს.
ჩიჩარიტო: ვიცი, ვიცი, ვესაუბრე ამაზე დიეგოს. ერთადერთი რამ, რაც მინდა, ეს თამაშია."
ჩიჩარიტომ ევროპაში 10 სეზონი გაატარა. მისი კარიერა უცხო კონტინენტზე 2010 წელს დაიწყო, როცა "გუადალახარადან" "მანჩესტერ იუნაიტედს" შეუერთდა. შემდეგ იყო მადრიდის "რეალი", "ლევერკუზენი", "ვესტ ჰემი" და ბოლოს "სევილია". ესპანურმა კლუბმა ჩიჩარიტო "ლოს ანჟელეს გალაქსის" 8.5 მილიონ ევროდ მიჰყიდა.
![alt](/pictures/image50/d83537a2c3376a98028ee4f203c9121c.jpg "ჩიჩარიტო მშობლებთან საუბრისას ატირდა: "გალაქსისში" მივდივარ მამიკო, ევროპულ ოცნებას ვტოვებ... [VIDEO]")
ჩიჩარიტომ პრემიერლიგაში უნიკალურ შედეგს მიაღწია
![ევროპა ლიგა. II ტური: ფავორიტებმა ისევ იმარჯვეს - "ყარაბაღს" სომხურდროშიანი დრონი აუფრინეს [VIDEO]](/pictures/image7/93284848299b28bc77034a54f2a1b028.jpg "ევროპა ლიგა. II ტური: ფავორიტებმა ისევ იმარჯვეს - \"ყარაბაღს\" სომხურდროშიანი დრონი აუფრინეს [VIDEO]")
