"გენტის" 20 წლის კანადელმა თავდამსხმელმა ჯონათან დავიდმა გასულ სეზონში ყველა ტურნირზე 40 მატჩში 23 გოლი გაიტანა და 10 საგოლე გადაცემა გააკეთა და მისი სამსახურით არაერთი კლუბი დაინტერესდა.
Sky Sports-ის ცნობით, დავიდის შეძენა "ლილმა" მოისურვა და 25 მილიონი ევროს გადახდის მზადყოფნა გამოთქვა. თუმცა, "გენტმა" უარი შეუთვალა, რადგან 30 მილიონს ითხოვს.
თავად ჯონათანს კარიერის ფრანგულ გუნდში გაგრძელება უნდა და ამის თაობაზე თავის კლუბს თხოვნით მიმართა. ის ამბობს, რომ კარგი სეზონი ჩაატარა, კარიერაში სურს ნაბიჯი წინ გადადგას და საამისოდ "ლილი" ჩინებული ვარიანტია.
დავიდს
ბელგიურ კლუბთან კონტრაქტი 2023 წლის ზაფხულამდე აქვს გაფორმებული და მის ხელში ჩაგდებას "ინტერი", "არსენალი" და "ბეტისი" ცდილობენ.
"გენტში" გიორგი ჩაკვეტაძე და გიორგი ქვილითაია თამაშობენ, ბელგიაში სეზონი აგვისტოში განახლდება და მათი გუნდი პირველ ტურში სტუმრად "ანტვერპენს" დაუპირისპირდება.
![alt](/pictures/image50/e4f5d0b3da92836a40611feb7c543a8b.jpeg ""გენტმა" ჯონათან დავიდი "ლილს" 25 მილიონად არ მიყიდა")
"გენტის" სეზონის ტოპ-ათეულში 3 უკრაინელია და არც ერთი ქართველი![alt](/pictures/image50/d62ba17e521a83c92698ad55977fb49b.jpg ""გენტმა" ჯონათან დავიდი "ლილს" 25 მილიონად არ მიყიდა")
"როსტოვმა" "გენტს" თავდამსხმელი 5 მილიონად არ მიჰყიდა![alt](/pictures/image50/2d6138b48384ced2922df3bbd32d86ee.jpg ""გენტმა" ჯონათან დავიდი "ლილს" 25 მილიონად არ მიყიდა")
ჩაკვეტაძე - კიდევ ერთი წელი "გენტში" და დავიდის პოზიციაზე?![alt](/pictures/image50/c2391786a1609a2687b315000c6e335c.jpg ""გენტმა" ჯონათან დავიდი "ლილს" 25 მილიონად არ მიყიდა")
"გენტის" თავდამსხმელის შეძენას "ინტერი" შეეცდება
