პორტუგალიის პრიმეირა ლიგის მე-17 ტურში "პორტუ" "ესტორილ პრაიას" ესტუმრა და 3:2 დაამარცხა.
მასპინძლებმა პირველი ტაიმი არტულ გომესისა (38) და ანდრე ფრანკოს (43) გოლების წყალობით 2:0 მოიგეს.
შემდეგ პორტუგალიური გრანდი გააქტიურდა და მეორე ნახევარში 3 გოლის გატანა მოახერხა, სტუმართა მხრიდან თავი მეჰდი ტარემიმ (39), ლუის დიაზმა (84) და ფრანცისკო კონსეისაომ (89) გამოიჩინეს.
აღსანიშნავია, რომ ფრანსისკო მთავარი მწვრთნელის, სერხიო კონსეისაოს შვილია. მამისგან 87-ე წუთზე ნდობა მიიღო, მოედანზე სათამაშოდ უხმო და შვილმაც იმედები გაუმართლა, გატანილი გოლიც, რა თქმა უნდა, ერთად აღნიშნეს.
ამრიგად, "პორტუ" 47 ქულით 1-ელ ადგილზე იმყოფება, მომდევნო შეხვედრას 17 იანვარს, "ბელენენსესის" წინააღმდეგ გამართავს.
"ესტორილი" 25 ქულით მე-5 პოზიციას იკავებს, შემდეგი ტურის მატჩს კი 16 იანვარს, "არუკას" პირისპირ ჩაატარებს.
![გამორჩეული ოდიშიარია და "რიგასის" საპატიო ფრე "ანდერლეხტთან" [VIDEO]](/pictures/image7/3730e9823073b388ae01bf5f8e313092.jpg "გამორჩეული ოდიშიარია და \"რიგასის\" საპატიო ფრე \"ანდერლეხტთან\" [VIDEO]")
