"ერთა ლიგის" შეხვედრების გარდა, ევროპაში ამხანაგური მატჩებიც გაიმართა. ნიდერლანდებისა და დანიის ნაკრების დაპირისპირება უხვგოლინი გამოდგა - 4:2. შეხვედრის ყველაზე ამაღელვებელი მომენტი 48-ე წუთზე მოხდა - მოედანზე სულ რაღაც 2 წუთის შემოსულმა კრიტიან ერიკსენმა ულამაზესი გოლი გაიტანა. მოგეხსენებათ, გასულ ზაფხულს, დანიის ნაკრების ერთ-ერთმა ლიდერმა ევროპის ჩემპიონატის შეხვედრის დროს გონება დაკარგა და მთელი მსოფლიო აანერვიულა. მაშინ 30 წლის ნახევარმცველი "ინტერში" თამაშობდა. კრისტიანმა მოედანზე დაბრუნება შეძლო, ინგლისურ "ბრენტფორდშიც" ჩაირიცხა და ახლა ნაკრებსაც გოლით დაუბრუნდა.
დანიელთა მხრიდან მე-2 გოლის ავტორი ვესტერგაარდი
29 მარტს დანიელები ამხანაგურ მატჩში სერბებს უმასპინძლებენ, სადაც შესაძლოა, ერიკსენი უკვე სასტარტო შემადგენლობაში ვიხილოთ.
"ეს ჩემთვის ბევრს ნიშნავდა... დიდი მადლობა..." - კრისტიან ერიკსენი
კრისტიან ერიკსენი: ფეხბურთს ისევ ვითამაშებ!
