5 ივლისს ლოზანის სპორტული საარბიტრაჟო სასამართლო (CAS) განიხილავს რუსეთის საფეხბურთო კავშირის საჩივარს უეფასა და ფიფას მიერ რუსული კლუბებისა და ნაკრებების მიმართ დაწესებულ სანქციებთან დაკავშირებით.გარდა ამისა, 11 ივლისს განიხილება რუსული კლუბების მიმართვა უეფას ეგიდით ჩატარებული ტურნირებიდან გამორიცხვის შესახებ.
შეგახსენებთ, რომ რუსული კლუბები და ნაკრებები ცნობილი მოვლენების გამო უეფასა და ფიფას ტურნირებიდან მოკვეთილნი არიან.
გარდა ამისა, რუსეთის საფეხბურთო ჩემპიონატში მოთამაშე ლეგიონერებს 2023 წლის 30 ივნისამდე თავიანთ კლუბებთან ხელშეკრულებების შეჩერება შეუძლიათ.
