რუსული RIA Novosti ავრცელებს ინფორმაციას, რომ სფფ მოსკოვის "ლოკომოტივის" 23 წლის ნახევარმცველის, კონსტანტინ მარადიშვილის საქართველოს ნაკრებში თამაშით უკვე რამდენიმე წელია ინტერესდება. "ეს სურვილი ჯერ კიდევ მაშინ გაჩნდა, როდესაც ფეხბურთელი ცსკა-ში თამაშობდა და ინტერესი ჯერ კიდევ რჩება", - მოჰყავს RIA Novosti-ს მასთან დაახლოვებული წყაროს ინფორმაცია, თუმცა მის ვინაობას არ აკონკრეტებს.
შეგახსენებთ, რომ გუშინ გავრცელებული ინფორმაციით, მარადიშვილს მოქალაქეობის შეცვლა და საქართველოს ნაკრებში თამაში სურს, თუმცა ეს ინფორმაცია ფეხბურთელის მამამ არ დაადასტურა.
აპირებს თუ არა მარადიშვილი საქართველოს ნაკრებში თამაშს?
მარადიშვილი ქართველია, მას ქართველად ყოფნა უნდა და არაფერი ცუდი არ უთქვია მას საქართველოს და ქართველების შესახებ!
რამდენი ქართველია ასე რუსეთში მცხოვრები და ყველა უნდა შევიძულოთ თუ უნდა გვიყვარდეს თანამემამულე?
როდემდე უნდა ვიყოთ სიძულვილის ენაზე მოსაუბრე ერი? რაშუაშია მანამდე სად იყო და ა. შ. მთავარია ჩვენთან უნდა და განა ეს ბევრ რამეზე არ მეტყველებს?!
გაგაკვირვებს ეს ხალხი, იმდენი ლაიქი აქვს მის მიმართ ქსენოფობიურ გზავნილს არადა ასეთი ნიჭიერი ფეხბურთელი მთელს პოსტ-საბჭოთა სივრცეში სანთლით საძებარია!
განა არ ჯობია ჩვენებურად, ჩვენთან გაიზარდოს და გვასახელოს? როგორ, არ გადმოვიდნენ და საქართველოს სახელით არ ასპარეზობენ სხვა სპორტის სახეობებში რუსი თუ უკრაინელი სპორტსმენები?