"ნაპოლი" "ფენერბაჰჩეს" 18 წლის შემტევის, არდა გულერის გაფორმებასთან ახლოსაა. ამის შესახებ ინფორმაციას თურქული გამოცემა Fanatic-ი ავრცელებს.წყაროს ცნობით, "პარტენოპეი" მზადაა, გულერის სანაცვლოდ 50 მილიონი ევრო გადაიხადოს.
გამოცემა იმასაც წერს, რომ ტრანსფერი პრაქტიკულად გადაწყვეტილია და 18 წლის ფეხბურთელი "ნაპოლის" სეზონის დასრულების შემდეგ შეუერთდება.
არდა გულერი "ფენერბაჰჩეს" აკადემიის აღზრდილია, მიმდინარე სეზონში კი სტამბოლური კლუბის მაისურით ყველა ტურნირზე 31 მატჩი გამართა, თავი კი 6 გატანილი გოლითა და 5 საგოლე პასით გამოიჩინა.
