17 ივნისს პორტუგალიის ნაკრებმა ბოსნია 3:0 დაამარცხა. მატჩის დასრულების შემდეგ სოციალური ქსელი აფეთქდა.
შეხვედრის დასრულების შემდეგ კრიშტიანო რონალდო ცნობილ იუთუბერ IshowSpeed-ს შეხვდა.
მოკლედ მოგიყვებით პოპულარულ ინფლუენსერზე. 19 წლის ამერიკელი მსოფლიოში ცნობილი რონალდოს გულმხურვალე ქომაგობით გახდა ("იუთუბზე" 17 მილიონი გამომწერი ჰყავს, "ტიკ-ტოკზე" - 17.5 მილიონი), ოცნება კი ყველა დროის ერთ-ერთ საუკეთესო ფეხბურთელთან შეხვედრა იყო. მიუხედავად იმისა, რომ სპიდი მეგობრობს სხვადასხვა ცნობილ სპორტსმენთან თუ ადამიანთან, დიდი ხნის განმავლობაში რონალდოს ნახვას ვერ ახერხებდა.
ამერიკელი ინფლუენსერი პორტუგალიის მატჩს დაესწრო, დასრულების შემდეგ კი ფეხბურთელების გასასვლელ გვირაბში მორიგი შეხვედრის იმედით დადგა, რა დროსაც ავტომობილი გაჩერდა და შიგნიდან "მილანის" ლიდერი რაფაელ ლეაო გადმოვიდა. სპიდი მასთან მეგობრობს და ერთმანეთს გულმხურვალედაც გადაეხვივნენ. რამდენიმე სურათის გადაღების შემდეგ ვიდეოში დაინახავთ "ბენტლის" მარკის მანქანას, რაფაელი კი მას მიუახლოვდა და რაღაც უთხრა. შიგნიდან რონალდო გადმოვიდა.
![გაბრაზებული რონალდო მატჩის შემდეგ კამერასთან ყვიროდა - კრიშტიანომ უკმაყოფილება ღიად გამოხატა [VIDEO]](/pictures/image7/931b2e6847163212620b220bc7ffe54b.png "გაბრაზებული რონალდო მატჩის შემდეგ კამერასთან ყვიროდა - კრიშტიანომ უკმაყოფილება ღიად გამოხატა [VIDEO]")
