"რუი ჩემპიონატის ერთ-ერთი საუკეთესო მცველია, თუმცა "ნაპოლიში" არ აფასებენ, ტრანსფერს ვითხოვთ" - მარიოს აგენტმა დე ლაურენტისი გააკრიტიკა

მარიო რუიმ შესაძლოა "ნაპოლი" დატოვოს. ამის შესახებ პორტუგალიელის აგენტმა ალფრედო პედულასთან საუბარში დაადასტურა.

მარიოს წარმომადგენლის თქმით, მის კლიენტს "პარტენოპეიში" არ აფასებენ და მხარეებს შორის კონტრაქტის გახანგრძლივებაზე მოლაპარაკებები არ მიმდინარეობს.

"მარიოს სურდა, რომ "ნაპოლისთან" კონტრაქტი გაეხანგრძლივებინა და ამ კლუბში დიდხანს დარჩენილიყო, თუმცა დე ლაურენტისთან საუბრის შემდეგ მივხვდი, რომ ისინი რუის ვერ აფასებენ.

თუ სტატისტიკას გადავხედავთ, ნათლად დავინახავთ, რომ რუი სერია A-ს ერთ-ერთი საუკეთესო მცველია. სწორედ ამიტომ მათი პოზიციით გაკვირვებული ვარ. კლუბის პრეზიდენტს უკვე ვესაუბრე, ტრანსფერს ვითხოვთ. ზოგადად, დღესდღეობით "ნაპოლის" ბევრი ისეთი

ფეხბურთელი ჰყავს, რომლებსაც "პარტენოპეის" რიგებში ყოფნა არ სურთ", - განაცხადა რუის აგენტმა.

შეგახსენებთ, რუი "ნაპოლის" 2017 წელს "ემპოლიდან" შეუერთდა. ამ პერიოდის განმავლობაში განაპირა მცველმა ნეაპოლელთა მაისურით 199 მატჩი გამართა, თავი კი 3 გატანილი გოლით გამოიჩინა.

alt ხვიჩა სტანდარტულებზე ვარჯიშობს - "ნაპოლი" შეიძლება ოსიმენის, ზილენსკის და მარიო რუის გარეშე დარჩეს