"მოლენბეკის" ფეხბურთელმა კილიან აზარმა საკუთარი ძმის, ედენ აზარის შესახებ ისაუბრა.მოგეხსენებათ, ბელგიელი ფეხბურთელი ამჟამად თავისუფალი აგენტია და ახალ გუნდში გადასვლას არ ჩქარობს. კილიანის თქმით, ედენი კვლავ მადრიდში ცხოვრობს და დასვენებით სიამოვნებას იღებს.
"ახლა ედენი მადრიდშია, მისი შვილები ამ ქალაქში სწავლობენ და ქალაქის შეცვლა არ სურთ. ვიცი რას აკეთებს ყოველდღე, ის ცხოვრებით ტკბება.
მის ადგილას რომ ვიყო, საფეხბურთო კარიერას დავასრულებდი, ვფიქრობ, მან ოჯახთან ერთად დროის გატარება დაიმსახურა", - განაცხადა აზარმა.
აზარი კარიერას ასრულებს? - ბელგიელმა შესაძლოა, ბუცები ლურსმანზე ჩამოჰკიდოს
აზარის პრემიერლიგური შანსი - ჩემპიონატის ერთ-ერთი ლიდერი ბელგიელის სანაცვლოდ 20 მილიონ ევროს იხდის
