ესპანელ ქალ ფეხბურთელთა ნაკრების წევრმა ჯენიფერ ჰერმოსომ მუნდიალის დაჯილდოებისას მომხდარი ფაქტის შემდეგ განვითარებულ თავის ფსიქოლოგიურ პრობლემებზე ისაუბრა:"მე არ მქონდა რეაგირების დრო. არ ვიმსახურებ ამ ყველაფერს. რთულია, იცხოვრო, როცა სახლიდან გასვლა არ შეგიძლია.
მადრიდის დატოვება მომიწია, რომ ჩემზე ზეწოლა შემცირებულიყო. რატომ უნდა ვიტირო ჩემს ოთახში, როცა მე არაფერი დამიშავებია?! ჩემი იმიჯი გაანადგურეს და ჩემი დაცვა არავინ მოინდომა.
მეუბნებოდნენ, რომ დამიცავდნენ, მაგრამ ჩემს მხარეს არავინ დადგა, რომ დავეცავი. კოცნის დროს შოკში ვიყავი. ეს მოხდა ისტორიული მომენტის დროს, რომლის მისაღწევადაც წლები ვშრომობდით.
შეგახსენებთ, რომ დაჯილდოებისას ჰერმოსოს ესპანეთის ფეხბურთის ფედერაციის პრეზიდენტმა ლუის რუბიალესმა ტუჩებში აკოცა, რის გამოც ის ბევრმა გააკრიტიკა და საბოლოოდ, რუბიალესმა პოსტი დატოვა.
