ვიქტორ ოსიმენი, დიდი ალბათობით, ზაფხულში "ნაპოლის" დატოვებს. ამის შესახებ TuttomercatoWeb-ი იტყობინება. წყაროს ცნობით, გუშინ საღამოს პოზილიპოში მდებარე რესტორანში ნიგერიელის აგენტი და "პარტენოპეის" მენეჯერი ერთმანეთს შეხვდნენ, სადაც კონტრაქტის გახანგრძლივების საკითხი განიხილეს.
გამოცემის ინფორმაციით, მხარეებმა შეთანხმებას ვერცერთ საკითხზე ვერ მიაღწიეს. ოსიმენი ნეაპოლელებთან კონტრაქტის გახანგრძლივებაზე ისედაც ყოყმანობდა, პლატფორმა Tik Tok-ზე გავრცელებული ვიდეო კი ბოლო წვეთი აღმოჩნდა. კლუბის პრეზიდენტმა აურელიო დე ლაურენტისმა მიიღო გადაწყვეტილება, რომ ოსიმენი ზაფხულში გაყიდოს.
შეგახსენებთ, გასულ ზაფხულს ვიქტორის შეძენა არაბულ გუნდებს, ასევე, ლონდონის "ჩელსის" სურდათ.
ფოტო: Calcionapoli24.it
!["პარმას" გაძევებული მეკარე, ლუკაკუს დებიუტი და გოლი და "ნაპოლის" შემოტრიალებული მატჩი [VIDEO]](/pictures/image7/717b7a1cfecfcea4df5c07af9a6f0ce4.jpg "\"პარმას\" გაძევებული მეკარე, ლუკაკუს დებიუტი და გოლი და \"ნაპოლის\" შემოტრიალებული მატჩი [VIDEO]")
